1 Den Job tell:
2 “Eh Bildad! Fo one guy like me dat no mo powa,
3 Wen you eva teach some guy like me,
4 Who help you tell dat kine stuff?!
5 “Da mahke guys spirits suffa plenny,
6 God see eryting dat stay inside da Mahke Peopo Place.
7 God spread out da north sky ova one place wea no mo notting.
8 He wrap up da watta inside his clouds.
9 He hide da full moon so no can see um.
10 He mark da horizon on top da ocean.
11 Wen God tell dat he like bus up da mountains
12 He wack da Rahab sea monsta dat jam up eryting,
13 He blow an da sky come clear.
14 An dass ony fo start!