1 Dat time Hezekiah come sick an litto mo mahke. Da guy dat talk fo God, Isaiah, Amoz boy, go by Hezekiah an tell, “Lissen up! Dis one spesho message from Da One In Charge. He tell, go make eryting ready cuz you goin mahke. You no goin come good.”
2 Hezekiah turn his whole body fo face da wall, an he pray to Da One In Charge,
3 “Bummahs! You Da One In Charge! Try no foget all da stuff I wen do! I no hide um from you. I da kine guy you can trus, an do eryting I promise fo do. I try fo make shua I do ony good kine stuff dat you tell az good.” Den Hezekiah cry plenny.
4 Da One In Charge give Isaiah dis message:
5 “Go tell Hezekiah, ‘Dis one spesho message from Da One In Charge, da God fo yoa ancesta David: I wen hear wat you wen pray an I see you cry. Cuz a dat, I goin give you fifteen mo year fo live.
6 I no goin let da Assyria king do notting bad to you o to da peopo inside Jerusalem town. I no goin let da Assyria guys come inside dis town.’”
7 Isaiah tell da guys dat work fo Hezekiah, “Go get some figs, mash um all togedda, an put um on top da sore fo yoa boss come good.”
8 Da One In Charge tell, ‘Da shadow from da sun go down ten step awready, on top da palace stair dat King Ahaz wen build. Now, I goin make da sun shadow go back up da same ten step.’” So az wat wen happen. Da sun shadow go back up da same ten step, wea come down awready.
9 Afta Hezekiah, da Judah king, come good afta he sick, he write dis:
10 Me, dis how I wen figga:
11 I tell, “In dis land, wit da peopo dat stay alive,
12 God take my body away from me
13 I wait an try stay quiet inside
14 I make noise jalike da swallow bird o da heron bird.
15 “But wat I goin tell?
16 “Boss, peopo stay live
17 Fo shua, if I neva suffa plenny,
18 From inside da Mahke Peopo Place,
19 Da peopo dat stay alive,
20 “Da One In Charge goin get me outa trouble.
21 Az how wen happen, da time Isaiah tell Hezekiah guys fo put fig on top da sore,
22 an Hezekiah aks wat kine sign Da One In Charge goin give him dat he goin come good.