1 Den Moses an all da Israel peopo sing fo Da One In Charge lidis:
2 Da One In Charge, he da One dat make me strong an solid,
3 Da One In Charge, he da One dat know how fo fight!
4 “Da Pharaoh guy wen sen army guys an wagons fo war.
5 Da deep watta cova dem.
6 “Eh! You Da One In Charge! Awesome, real strong yoa powa!
7 You so big, you wipe out erybody dat go agains you.
8 You blow, an da watta pile up.
9 “Da guys dat stay agains us, dey tell,
10 But you, God, you wen make yoa wind blow,
11 “Eh! You Da One In Charge! From all da gods dat get,
12 You wen hold out yoa right hand,
13 “You stay wit yoa peopo,
14 Da odda peopos, dey goin hear dis,
15 Dat time, da main leada guys from Edom,
16 Dey so much sked an shaking, dey donno wat fo do.
17 “Eh! You Da One In Charge! You goin take yoa peopo
18 Da One In Charge, he da King foeva an eva!”
19 Afta da horses from Pharaoh, wit da war wagons an da horse ridas, go inside da sea, Da One In Charge make da sea watta go back ova dem. But da Israel guys, dey wen walk thru da middo a da Red Sea on top da dry groun.
20 Den Miriam, dass Moses an Aaron sistah, she talk fo God too. She pick up one tammorine. She start fo dance, an all da odda wahines, dey go pick up tammorine too an dance in circle wit her.
21 Miriam, she give um dis song fo sing back to her:
22 Afta dat, Moses tell da Israel peopo fo go. Dey go way from da Red Sea an go inside da boonies Shur side. Three day, dey walk. But dey no can find watta dea.
23 Dey get to Marah an find watta, but dey no can drink da watta Marah side cuz bitta. (Dass how come da place get da name “Marah,” cuz dat mean “bitta,” dea language, you know.)
24 Da peopo, dey grumble to Moses. Dey tell um, “So, wat we goin drink now?!”
25 Moses yell fo help to Da One In Charge an he show Moses one tree. Moses take one branch an throw um inside da watta, an da watta come good fo drink.
26 God tell dem, “You guys gotta lissen good to me, yoa God, Da One In Charge fo real kine. You guys gotta stay do da right ting in front me, an lissen wat I tell you guys fo do, an keep all da Rules. If you guys do all dat, den I no goin wack you guys wit all da kine sick dat I wen bring fo da Egypt peopo. Cuz me Da One In Charge, an I da one dat make you guys come good.”
27 Afta dat, dey go Elim. Ova dea, get twelve puka wea da watta come outa da groun, an get seventy date palm tree. Az wea da peopo make camp nea da watta.