1 Wise up how you ack wen you go da Temple Fo God. Go come close fo lissen good, an no make stupid wen you make one sacrifice! Cuz da stupid guys donno az bad wat dey do.
2 No talk befo you tink!
3 Jalike wen you get too much stuff dat bodda you, you goin get bad dreams,
4 Wen you make one strong promise to God, no wait long time fo do wat you wen promise fo do. Da tings stupid peopo do, no make God stay good inside. Az why, go do eryting you wen promise fo do.
5 Mo betta fo no make one strong promise, den fo make um an no do um.
6 No let yoa mout make you do bad kine stuff. An no tell da Temple messenja guy, “Was one mistake, I wen make dat strong promise!” No good, God come huhu cuz a wat you tell! An no good, he wipe out da tings you wen make wit yoa hands!
7 Wen you dream plenny an talk plenny, all dat no make sense. Mo betta get plenny respeck fo God!
8 If you see dat da peopo dat no mo notting get presha from da govmen, an somebody take away dea rights, an da judge no do da right kine ting fo dem, no drop yoa jaw! Cuz one leada guy get anodda leada dat back him up, an da two a dem get odda leadas fo back um up too.
9 Get plenny stuff come from da land, an erybody get one cut from um, even da king!
10 Whoeva get plenny love fo money, no goin get enuff money!
11 Wen get mo an mo stuffs,
12 Wen one worka guy sleep, he stay good,
13 I wen see someting real bad unda da sun,
14 Cuz dey lose all dea nice kine stuff cuz someting bad happen to dem.
15 Erybody come outa dea muddah naked.
16 An dis one real bad ting
17 All dea life, dey stay in da dark.
18 But you know wat?! I see one ting dass good. Az good fo peopo eat an drink, an stay good inside bout dea hard work unda da sun. All da time dey stay alive, da short time God give um, dass wat dey get.
19 An God give some peopo rich kine stuff, an let dem stay good inside bout um. If dey take wat dey get an stay good inside bout da work dey do, az one present dat God give dem.
20 Dat kine peopo almos no need fo tink bout how long dey goin stay alive cuz God make um feel plenny good inside, all da time.