1 Get one time fo eryting
2 One time fo born
3 One time fo kill peopo
4 One time fo cry
5 One time fo scatta stones
6 One time fo look fo someting
7 One time fo broke someting
8 One time fo love
9 So den, wat da worka guys goin get fo da work dey do? You tink dat goin stay long time, o wat?!
10 I see wat God give peopo fo do.
11 He make eryting happen jalike suppose to happen, fo da time wen suppose to happen. He make peopo tink bout wat maybe goin happen bumbye, but dey no can undastan eryting dat God stay do from da start till da end.
12 I know fo shua no mo notting mo betta fo peopo den fo stay good inside an do good kine stuff all da time dey stay alive.
13 Wen erybody eat an drink an stay good inside bout dea work, az one present from God.
14 I know fo shua eryting God do goin stay foeva. No mo nobody can add notting to um, an no mo nobody can take notting away from um. God do dis fo peopo show respeck fo him.
15 Wateva stay, awready wen stay.
16 An I see anodda ting unda da sun.
17 I wen tink lidis:
18 Az why I tink lidis too: “God tes peopo, fo show um dat dey stay jalike da animals.
19 Wat goin happen to da peopo an da animals, same ting! Jalike peopo mahke, da animals mahke. Dey all breave da same. Peopo not mo betta den da animals! All dat no mean notting. An no make sense!
20 Dey all go da same place. All a dem come from da dirt, an all a dem go back to da dirt.
21 You tink da peopo spirit go up, an da animal spirit go down inside da earth, o wat?!
22 “Az why no mo notting mo betta, den fo peopo do dea work an stay good inside, cuz az why dey stay hea. No mo nobody can make dem see wat goin happen to dem bumbye!”