1 Dey bring da Box Fo No Foget Da Deal Wit God, an put um inside da tent dat David wen make fo um. Da peopo bring animals fo da burn up kine sacrifice an da kine sacrifices dat show dat dem an God stay tight wit each odda.
2 Afta David pau make da burn up kine sacrifices, an da sacrifices dat show dat dem an God stay tight wit each odda, he tell Da One In Charge dat he like um fo do plenny good tings fo da peopo.
3 Den he give one roun bread, an one date bread, an one block press kine raisin fo ery Israel guy an wahine.
4 David give da kuleana to some a da Levi guys fo work in front da Box Fo No Foget Da Deal Wit Da One In Charge, an fo make shua da peopo no foget Da One In Charge, da God fo da Israel peopo. An dey gotta tell Da One In Charge “Mahalo,” an tell erybody dat Da One In Charge good.
5 Asaf, he da main guy fo all dat, Zekariah numba two, nex Jeiel, Shemiramot, Jehiel, Mattitiah, Eliab, Benaiah, Obed-Edom, an Jeiel. Dey suppose to play da bass harp an da small harp. Dea leada guy Asaf suppose to make noise wit da cymbals,
6 an Benaiah an Jahaziel da pries guys blow da long metal trumpets weneva dey suppose to, in front da Box Fo No Foget Da Deal Wit God.
7 Dat time, David give Asaf an his helpa guys da job fo tell Da One In Charge “Mahalo!” lidis:
8 Make shua erybody tell Da One In Charge, “Mahalo!”
9 Sing fo show respeck fo him!
10 Talk big bout him, cuz you know how good an spesho he stay.
11 Find out eryting Da One In Charge like you fo know,
12 No foget all da awesome kine stuff he wen do
13 All you peopo dat come from Israel
14 Him, oua God, Da One In Charge.
15 You guys, no foget eva da deal he wen make,
16 Dass da same deal he wen make wit Abraham,
17 He make um solid, da tings he tell Jacob he gotta do,
18 Da One In Charge tell um, “I goin give da Canaan land to you.
19 Da time oua peopo no stay plenny peopo,
20 Dey go dis side an dat side,
21 Da One In Charge neva let nobody make any kine to dem.
22 He tell um, “No even touch da peopo I wen pick!
23 Erybody on top da earth,
24 Tell all da diffren peopos da One In Charge story bout
25 Cuz Da One In Charge real importan.
26 Cuz all da odda gods fo da diffren peopos,
27 Wea Da One In Charge stay, az awesome,
28 All you diffren peopos in yoa ohanas,
29 Tell az good fo show respeck
30 Erybody on top da earth, stay sked an shaking in front him!
31 I like erybody inside da sky stay good inside!
32 Az good, da ocean make big noise!
33 Dat time, all da trees in da fores goin sing
34 Tell Da One In Charge, “Mahalo!”
35 Call out, “God, get us outa trouble!
36 We like fo erybody talk good bout Da One In Charge,
37 Den David go way from Asaf an his helpa guys dea in front da Box Fo No Foget Da Deal Wit Da One In Charge, cuz dass dea kuleana foeva, wateva need do ery day.
38 David leave Obed-Edom, Jedutun boy, wit da sixty-eight ohana guys dat work wit him. Obed-Edom an Hosah, dey da security guard guys.
39 But Zadok da pries guy an da his ohana guys da odda prieses, David leave dem Gibeon side, in front da Tent Fo Meet Wit Da One In Charge, az da sacrifice place inside Gibeon.
40 He leave dem dea fo dem make da burn up kine sacrifice fo Da One In Charge ery day, morning time an almos dark, on top da altar fo da burn up kine sacrifice. Dey make um jalike da rules tell dat Da One In Charge wen give da Israel peopo.
41 David wen make one lis wit Heman an Jedutun, some pries guys, an some odda guys he pick. Dea kuleana az fo make shua erybody tell good tings bout Da One In Charge. Az “cuz he stay tight wit his peopo foeva!”
42 Heman an Jedutun get da kuleana fo play da long metal trumpets an da cymbals, an fo play da odda music kine tings fo da songs fo God. Jedutun boys, dey da security guard guys Gibeon side.
43 Den all da peopo go back dea house. An David go back fo tell God he like God fo do good kine stuff fo David ohana.