1 Bambaore Ngode Datagaliwabehanda inanaga mamali heneruhondo bi dewa haluore lamigi bialubi walia dewa tara taraore halubi ibunaga mana latagi haga hearuha howa ani bigi bialu hene.
2 Ani binigo horo áyu kamarunaga Ngode Datagaliwabehanda ibu Iginiha howa ina bibahendehondo bi langialu henego ka. Ngode Datagaliwabehanda ibu Iginiha howa dindi bibahendehabi hari daligahabi bibahendeore wabiai hene. Ani bialu ibugua bibahende wabiniyaruni Igini ogoni ibuninaga hai helo Ngode Datagaliwabe ibunime ibu dabo helene.
3 Ani bialu Ngode Datagaliwabe ibuni wá baya taraorehe kagobi ibu Iginihabi wá ogoni hatagi halu kagoni. Ngode Datagaliwabe ibuni kagobiore ibu Igini kagoni. Ibugua ibunaga bi gibi hongohe ngagome dindiha ngarubi hari daligaha karubi ina kamarubi bibahendeore ibuni yania hai ho kagoni. Ani bialu ibugua wali agali bibahendenaga ko domo waholenaga ibugua halu mbira hangu homo aribia halu ibu dahuliya andaga Ngode Datagaliwabe hongo gibiorehe kagonaga gi tigahayagi pu berenego beda.
4 Igini ogoni ibu dahuliyali karubi ndo daliga helonaga helene. Ogonidagua dege Ngode Datagaliwabehanda Igini ogoninaga minibi dahuliyalirunaga mini dindiha lowa ibunaga daligaore wini.
5 Anigo Ngode Datagaliwabehanda ibunaga dahuliyali karu mbiralihondo lalu,
6 Ani nale howa Ngode Datagaliwabehanda ibu Igini mbiraoreore henego dindini ibilalu howa lalu,
7 Ai Ngode Datagaliwabehanda dahuliyali karunaga mitangi bialu ogodagua lalu,
8 Ani lenego Ngode Datagaliwabehanda ibu Igininaga mitangi bialu ogodagua lalu,
9 Í̠na mana tigabi hanuniore bulenego gubalini howa mana ko bulenego hame naleore kegoni.
10 Ibugua bi mendebi agua lalu,
11 Uruni bibahende ereba hai holebira.
12 Dindibi hari daligabi bibahende í̠na aga pau lagadagua pau lalu
13 Ngode Datagaliwabehanda ibunaga dahuliyali karu mbiraligohondo ogodagua lene nawi,
14 Aniyagua dahuliyali karuni ti agi aledabe. Ti dinini howa Ngode Datagaliwabenaga biabe biaga mbira wali agalime pele mulene yu helo lowa dahuliyali urunime biamogo bia helo Ngode Datagaliwabehanda dalilenego ka.