1 “Tôiq lôi da jàn Juđa khoi achìh đòiq xam long achìh mem,
2 Tìah ca wì haq hmàng dèh con xau,
3 Ta bôi wang wa ta đùng tamang,
4 Cla pì lènh jò hnhung đac xôxech Au am ca pì;
5 Bàu Chuaq doi:
6 Haq tìah ca ramù tagôi ta đùng braih càn,
7 “Xôq ramŏt dìq jaq ca mangai leq loq canòm ca Boc Plình,
8 Haq tìah ca long pìt trong thòng diac,
9 Manoh da con mangai 'nùt amòng
10 “Au cô Chuaq ti ha'mrìh đòiq ngan,
11 Mangai wìa padrŏng can tiaq trong ùh ta-atoq,
12 Gèq bùa 'ngah 'ngai ti 'nhèq enh jò baxèm,
13 Ô Chuaq, Ìh joq bìac ngèh gòm da Is-ra-ên!
14 Waiq Chuaq, xìn Ìh broq brêh ca au; 'màng aih au jah brêh!
15 Wì haq hloi hloi capoch ca au:
16 Chuaq ôi, au ùh cađac bìac broq da au,
17 Xìn Ìh paq broq ca au yùq crè;
18 Xìn Ìh broq ca wì ma ti rùp au jah camaih,
19 Chuaq doi ca au 'màng cô: “Lam beq yòng nòi 'mang ngo càn, nòi dìq ca bùa Juđa mùt loh, èh hadai lam yòng nòi 'mang ngo phôq Jê-ru-sa-lem,
20 hi khoi doi ca wì: ‘Ô 'bài bùa da Juđa, Ô 'bài jàn Juđa, Ô! dìq ca jàn Jê-ru-sa-lem, dìq ca pi ma mùt loh trong ngo cô, Tamàng bàu Chuaq beq!
21 Cô bàu Chuaq doi: Rìm ngai phai wèq dađeh, pì ùh jah genh, tòng, xùi, loq pòq cleq lam cwa trong 'mang ngo cô hì Sabat.
22 Pì ùh jah genh, tòng, xùi, loq pòq dahwèq cleq loh khoi ca hnem hadai paq lam abroq ta hì Sabat, mahaq khòh wèq hì Sabat aih hì hadròih tiaq bàu Au khoi doi ca boc yaq pì,
23 Mahaq wì haq ùh tamàng ùh halang don ca bìac aih; wì cadoq manoh ùh enh tamàng wa hadai ùh nhàn yŏc bàu hnài anoq da Au.
24 Chuaq doi: Mahaq tàng pì tamàng bàu Au, ùh genh, tòng, xùi, pòq dahwèq cleq lam cwa trong 'mang ngo da phôq cô hì Sabat, mahaq wèq hì Sabat hì hadròih wa ùh abroq cleq ta hì aih,
25 èh jah mùt loh trong 'mang ngo cô, aih 'bài bùa ma ha'ngui ta gèq bùa Đawit, aih 'bài mangai còi xê axêh wa axêh, wì pajùm ca 'bài cwan, mangai calô da Juđa wa jàn da Jê-ru-sa-lem, èh phôq cô jah i mangai ŏi hloi hloi.
26 Èh jàn enh 'bài phôq da Juđa, 'bài phôq haten ca Jê-ru-sa-lem, enh gùng Bên-ja-min, enh đùng tamang, gùng rôm wang, wa enh gùng Nêghep jah lam trùh đòiq 'ràng ngè tadreo bùh wa ngè tadreo ma 'noiq, ngè tadreo ùh i ca mahem wa dàu xua thùm, ngè tadreo manè pôi lam trùh hnem Boc Plình.
27 Mahaq tàng pì ùh tamàng bàu Au, ma padèch hì Sabat loh wìa hì hadròih, èh genh, tòng, xùi, pòq dahwèq mùt Jê-ru-sa-lem lam cwa trong 'mang ngo cô hì Sabat, 'màng aih Au bùh ùnh jang ngo phôq wa ùnh aih jah bùh dŏng dìq rìm bìac ta Jê-ru-sa-lem, ùh i mangai leq jah pupat.’ ”