1 Èh Jop tèu:
2 “Pì tamàng ma geo bàu au anoi beq;
3 Àt đò ca au beq, đòiq au capoch;
4 “Phàn au, au khoi mamùc ca con mangai 'mòh?
5 Hamrìh ngan au wa tamàng beq èh pì jah hamàih;
6 Jò au hèm trùh, tajòi 'mòi au hidròt,
7 Gleq mangai ngang dù jah ŏi rìh,
8 Wì haq ngan hnoq dèh xinoi yòng cajap,
9 Hnem wì haq jah catèm, ùh crè cleq,
10 'Bo calô wì loh adrech ùh hìaq thìuq,
11 Wì haq am dèh con 'yoh loh lam pagôq tìah ca calùh trìu,
12 Wì haq calêu tiaq atêh broc wa clùng 'yoh wa lem bùi tiaq atêh taliaq.
13 Wì haq rìh dìq jaq xùang tiaq dèh bìac can padrŏng ta 'nhòng cla;
14 Wì haq doi ca Boc Plình: Ìh wia hangai ca nhèn beq,
15 Chuaq I Cwìang Itai Dìq Dŏng, Haq cabô ma nhèn ep patìh ca Haq?
16 Ngan cô, bìac can padrŏng jah taiq cla wì haq ùh?
17 “Toq leq yàng đen mangai dù pat wa bìac ranàc ùc ta wì haq?
18 Wì haq tìah ca hri 'bìq cayeo hlôi,
19 Pì doi: Boc Plình yŏc bìac baxa wì haq đòiq bla èh baxa con caiq wì haq.
20 Đòiq mat cla haq hnoq dèh bìac haq raliang wa ôq can nòih da Chuaq I Cwìang Itai Dìq Dŏng.
21 Ma jah 'màng aih jò 'nhòng rìh da haq khoi dìq,
22 “I cabô hùa hnài Boc Plình,
23 Mangai cô cachìt 'nang jò ŏi tadêh,
24 Chac hamac haq bech lem,
25 Mangai tau hadai cachìt, mahaq 'nhòng rìh da haq toq xalep hêq,
26 Baiq ngai cô dìq ca'nùng ta blo taneh wa hrai glom chac wa haq.
27 “Cô, au khoi loq ca manoh pì,
28 Pì bòch: ‘Hnem mangai gù craq ŏi ta leq?
29 Gleq pì ùh bòch tamoi lam ti trong?
30 Hì ranàc khoi padon đòiq am ca mangai ngang dù;
31 Cabô hùa lech ca mangai ngang dù ŏi jang ngìa haq?
32 Jò haq cachìt wì 'ràng hanang haq ta ralùng hanang,
33 'Bài cato taneh broq pa-èm ca haq;
34 “ 'Màng aih, 'màng leq pì ma alòng au xam bàu 'ngwan aih,