1 Dayon nagsabat si Job,
2 “Huo, matuod inang ginasiling mo.
3 Bisan baison pa niya ang Dios sa korte, wala siya sing may mahimo,
4 Maalam kag gamhanan gid ang Dios.
5 “Sa wala sing paandam, ginauyog niya ang mga bukid kag nagakalatiphag ini sa iya kaakig.
6 Ginapalinog niya ang duta halin sa pundasyon sini.
7 Sa iya lang pagmando, puwede nga indi magbutlak ang adlaw kag indi magsiga ang mga bituon.
8 Siya lang ang nagahumlad sang kalangitan, kag siya lang ang nagapauntat sang balod.
9 Siya ang nagtuga sang mga grupo sang mga bituon nga ginatawag Bear, Orion, Pleades,
10 Nagahimo siya sang makatilingala nga mga butang kag mga milagro nga indi matungkad kag indi maisip.
11 Kon maglabay siya sa akon, indi ko siya makita kag mabatyagan.
12 Kon may gusto siya nga kuhaon, wala sing may makapugong sa iya.
13 Wala ginapunggan sang Dios ang iya kaakig.
14 Gani paano ko madepensahan ang akon kaugalingon sa Dios?
15 Bisan inosente pa ako, indi ako makadepensa sang akon kaugalingon.
16 Bisan pangabayon ko siya nga mag-atubangay kami kag magsugot siya, indi gihapon niya ako pagpamatian.
17 Kay ginapaantos niya ako nga daw sa ginasalakay sang bagyo,
18 Daw halos indi niya ako pagpaginhawaon sing maayo sa mga kasakit nga ginapaantos niya sa akon.
19 Kon sa pakusog lang, makusog gid siya!
20 Bisan inosente pa ako, sentensyahan gihapon ako nga silutan
21 Bisan wala sing kasawayan ang akon kabuhi, baliwala na ini sa akon.
22 Kay amo man lang gihapon; pareho lang nga laglagon sang Dios ang matarong kag ang malain.
23 Nagakadlaw lang siya kon mapatay gulpi ang matarong sa kalamidad.
24 Gintugyan niya ang kalibutan sa mga malain.
25 “Kadasig magligad sang mga inadlaw sang akon kabuhi;
26 Huo, kadasig magligad sang akon kabuhi;
27 Bisan indi na ako magreklamo kag untatan ko na ang pagpangasubo, kag magyuhom na ako,
28 mahadlok gihapon ako sa mga pag-antos nga mag-abot sa akon.
29 Sanglit ginakabig niya ako subong nga nakasala,
30 Bisan pa habunan ko ang akon bilog nga lawas para mangin matinlo ako,
31 itum-oy niya gihapon ako sa lunangon nga buho,
32 Indi tawo ang Dios pareho sa akon,
33 Kuntani may makapatunga sa amon nga duha sa paghusay sa amon.
34 Kag mapauntat niya ang paghanot sang Dios sa akon, para indi na ako mahadlok.
35 Dayon makahambal na ako sa iya nga wala sing kahadlok, pero sa karon indi ko pa ini mahimo.