1 “Ang kabuhi sang tawo diri sa kalibutan mabudlay gid;
2 ukon pareho sa ulipon nga nagahandom nga maghapon na para makapahuway na siya,
3 Pareho man sina ang akon kahimtangan.
4 Kon maghigda ako kon gab-i nagahunahuna ako kon san-o pa mag-aga. Kahinay sang paglakat sang mga inoras.
5 Ang akon lawas puno sang ulod kag kugan.
6 “Nagaligad ang akon mga inadlaw nga wala sing paglaom.
7 Dumduma, O Dios, nga ang akon kabuhi pareho lang sa hangin nga nagalabay,
8 Makita mo pa ako subong pero sa ulihi indi na.
9 Subong nga ang gal-om nagakadula kag indi na makita,
10 Indi na siya makapuli sa iya balay,
11 “Gani indi mahimo nga maghipos lang ako; sugong gid ang akon pamatyag.
12 Ngaa ginabantayan mo gid ako, O Dios?
13 Kon gusto ko maghigda kag magpahuway para maghaganhagan ang akon kasakit
14 ginapahadlok mo ako paagi sa mga damgo kag palanan-awon.
15 Gani maayo pa nga makuga na lang ako kag mapatay sang sa mabuhi sa sining lawas nakon.
16 Ginakaugtan ko ang akon kabuhi.
17 “Ano gid bala ang tawo nga imo ginakabalak-an kag ginahatagan sang importansya?
18 Kay ginausisa mo siya kada adlaw, kag ginatilawan sa tanan nga tion.
19 Pabay-i lang bala ako bisan dali lang.
20 Nakasala bala ako?
21 Kon nakasala gid man ako, ngaa indi mo na lang ako pagpatawaron?