1 “Pero karon ginayaguta ako sang mga tawo nga bata pa sang sa akon,
2 Ano gid bala ang makuha ko sa sini nga mga tawo nga mga maluya kag wala sing kusog?
3 Puwerte sa ila kaniwang sa sobra nga kinawad-on kag kagutom.
4 Ginapanggabot nila kag ginakaon ang mga tanom sa kamingawan,
5 Ginatabog sila palayo sa ila mga kasimanwa kag ginasinggitan nga daw sa mga kawatan.
6 Nagaestar na lang sila sa mamala nga mga ililigan sang tubig,
7 Daw sa mga sapat sila nga nagauwang sa kagulangan,
8 Wala sila sing pulos kag wala gani sing may nakakilala sa ila,
9 “Kag karon ginainsulto ako sang ila mga anak paagi sa kanta.
10 Ginakangil-aran nila ako kag nagalikaw sila sa akon.
11 Karon nga ginapaluya kag ginapaantos ako sang Dios,
12 Ginasalakay ako sang sining malain nga grupo.
13 Ginabalabagan nila ang akon alagyan sa paglaglag sa akon.
14 Ginasalakay nila ako pareho sa mga soldado nga nagaagi sa dako nga buho sang pader nga gin-guba.
15 Puwerte ang akon kahadlok, kag nadula ang akon dungog kag manggad
16 “Kag karon daw sa mapatay na ako; wala untat ang akon pag-antos.
17 Kon gab-i nagangutngot ang akon mga tul-an;
18 Sa puwerte nga kusog sang Dios, ginliab niya ako.
19 kag ginhaboy sa lunang.
20 “Nagapanawag ako sa imo, O Dios, pero wala ka nagasabat.
21 Nangin mapintas ka sa akon.
22 Daw pareho lang nga ginapapalid mo ako sa hangin kag ginapabulubaliskad sa bagyo.
23 Nahibaluan ko nga ginadala mo ako sa lugar sang mga patay,
24 “Wala gid ako sing may ginhalitan nga tawo nga nagaantos kag nagapakitluoy tungod sa kalisod.
25 Naghibi gani ako sa mga tawo nga nalisdan.
26 Pero sang naglaom ako nga himuan ako sang maayo, malain ang ginhimo sa akon.
27 Wala untat ang kasakit sang akon balatyagon.
28 Nag-ilitom ang akon panit indi tungod sa kainit sang adlaw kundi sa balatian.
29 Ang akon tingog daw pareho sa uwang sang talunon nga ido ukon huni sang bukaw.
30 Nag-itom ang akon panit kag nagkalahulog ang kugan.
31 Nangin masubo ang sunata sang akon arpa kag plawta.