1 Merikɨtsɨ Kakuwu yuniwema kaniwarutakwewieni, mɨpaɨ katiniwarutahɨawe: «Xekeneuyukuxeɨri nepɨtixetaxatɨani kemɨtiyɨni xehetsie.
2 »Neniwema: 'Ahurawa xekenakɨni,
3 »'Ekɨ meri Xuweni pemɨnematɨari,
4 Perutsɨ 'ekɨ mexɨakame pepɨkahɨkɨtɨniri:
5 »Tsimehuni matɨa Rewi yawixi memayu'eririya wahepaɨ mekani'aneneni,
6 Ne wahetsɨa nepɨkaheu'ixɨaramɨkɨ.
7 Wahaxɨa 'axake'itɨarieka kememɨteyumemiwa,
8 »'Ekɨ Kura, 'a'iwama 'aixɨa meputiyuaneni 'ahetsiemieme.
9 Neniwe Kura, maye temaikɨ hepaɨ pepɨ'ane,
10 Kura xewitɨ pɨka'inawairieni ti'aitame 'itsɨya, nuiwarimama yuheyemekɨ mepɨteta'aita.
11 Kura kaxie waɨkawa pexeiya.
12 Kaxie winuyari waɨkawa pexeiya, 'ayumieme hɨxiteya pɨyɨyɨwi.
13 »Tsawuruni haramara tetsita kiekame kanayeimɨkɨ,
14 »'Itsakaxi puxu hepaɨ pɨranuweri,
15 Kepauka mixei yukuraru 'aixɨa tiuye'anekame,
16 »Rani 'itsɨkame hepaɨ pɨtiyurieni yuteɨterima wahetsiemieme
17 Rani pɨtɨrɨkaɨyeni, kuu mɨtiyumemiwa hepaɨ huyeta mɨkaka,
18 »Yawé 'aku 'awikweitsitɨarika nepɨtakwewie.
19 »Kahari, tenawayamete memanitamiekuni,
20 »'Ekɨta 'Atsexi, 'ikwai 'aixɨa ra'anekame pepɨtikwa'a,
21 »Nepɨtahari, maxa 'uka yuxaɨta muyeikani hepaɨ pɨ'aneni,
22 »Kutse, hatetsita 'iteɨritsiekame hepaɨ pɨ'ane,
23 Kuyaxi tupi memu'ɨ mekanitamɨni,
24 Perutsɨ Kutse yutupi heitserie pakwe'e,
25 Neuxei Kutse:
26 Matsi 'aixɨa pɨti'anene tita 'apaapa nehɨkɨtɨtɨ nematiyetuirie,
27 »Wenikamini, 'ɨrawe mayu'eriya hepaɨ pɨ'ane,
28 Mɨpaɨ katiniwarutahɨawe 'Ixaheri yuniwema, tamamata heimana huta nuiwariyari, yuxexuime 'aixɨa kaniwaruyurieni, yuhetsie memeixeiyanikɨ.
29 'Imatɨrieka Kakuwu mɨpaɨ katiniwarutahɨawe yuniwema: «'Ariri nekanimɨximeni, kepauka nemɨmɨni. Nepaapama memuyehetsie xekeneneutateka, terɨta 'Epuruni Heti tewiyari mɨkwieyatɨkaitsie.
30 Terɨ Makipera nekanixatani Mamɨre hɨxie mɨti'ane, Kanani kwieyaritsie 'Apɨrahami minanai, 'Epuruni Heti tewiyari kaniunanairieni, yunaitɨ tɨɨriyamama muwa memeutatuariwanikɨ.
31 Muwa mekanayeheni 'Apɨrahami, 'ɨyaya Tsara, 'Itsahaki, 'ɨyaya Xeweka, muwa tsiere Reya neneutateni.
32 Mɨkɨ kwie terɨ kaniunanaiyani, Heti teɨteriyari meri katiniwapiinitɨkaitɨni».
33 Kepauka mɨtiutahayewaxɨ Kakuwu yuniwema tiwakuxaxatɨwatɨ, 'ukahuka 'imatɨrieka kaniuka'ietɨyani kaniumɨni. Kaneyani yu'ukiyarima wahetsɨa.