1 Oo Kibbumba, oyegesye okabaka obwenkanyabwo,
2 Awo yalamulanga abantubo mu mazima,
3 Oleke ensozi gireetere abantu eidembe,
4 Oleke okabaka alwanirirenge abagada,
5 Abantu bakuwenge ekitiisya emirembe gyonagyona,
6 Oganye obufugi bwa kabaka bugase abantu ngʼoikendi owaagasa emisiri,
7 Oganye oku mulembegwe, abantu abatambulira omu butuukirirye beeyongere obungi,
8 Oganye afugenge okuzwera oku nyanza okutuuka oku nyanza egendi,
9 Amawanga agali omwidungu gakotamyenge emitwe gyabwe omumaisoge,
10 Abakabaka bʼe Talusiisi nʼabʼoku bizinga
11 Abakabaka bonabona bakotamyenge emitwe gyabwe omumaisoge,
12 Ekyo kityo olwʼokubba anunula abadamba, ibo abamwekungirira,
13 Akwatira ekisa abanafu nʼabadamba,
14 Abanunula eeri eifuge nʼeeri abababitya obundi,
15 Okabaka awangaale!
16 Ekyalo ekyo kyonakyona kibbengemu ebyokulya ebibitiriri;
17 Oganye eriina lya kabaka balyebukiryenge emirembe gyonagyona,
18 OMusengwa Iye oKibbumba wa Isirairi bamuwuujenge,
19 Eriinalye eryʼentiisya baliwuujenge emirembe gyonagyona.
20 Okusaba kwa Dawudi omutaane wa Yese kukoma yaawo.