1 Oo Musengwa, oyakane nʼabanjakanisya,
2 Okwate engabo enene nʼentono,
3 Otooleyo eisimo nʼomusabbi,
4 Oleke abataka okunjita
5 Obaduumuule ngʼompunga owaafuwa ebisusungu,
6 Oleke enzira egibabitamu ekwate endikiirya era ebbe ntyereri,
7 Ngʼowebantega emitego gwabwe
8 oleke okujigirika kubavumbiikirirye.
9 Awo nasangaaliranga ebyo oMusengwa ebyakola,
10 Nʼobwomi bwange bwonabwona nalikoba oMusengwa nti,
11 Abajulizi abʼobubbeyi basetuka
12 Obwemba nkola ebisa bansasulamu bibbibibbi,
13 Neye ibo owebabbaire nga balwaire, neesibire ebibenga,
14 ni mba omu nima oti-so nkunga mukaagwa wange ooba muganda wange.
15 Neye nze owenagwire omu bigosi, basangaire,
16 Ni banduula ooti bantu abatatya oKibbumba owebakola,
17 Oo Musengwa, walituuca di okulingirira-obulingiriri?
18 Nakwebaliryanga omu nkumbaana enene.
19 Tiwaganya abalabe bange abansibiriryaku okujaagaana olwa kumpangula.
20 Tibatumula ebyʼeidembe,
21 Bannumiriza nga baceera bati, “Ee! Ee!
22 Oo Musengwa, iwe ebyo obibona, kale tiwasirika.
23 OSetukiremu era ondwanirire!
24 Oo Musengwa, iwe oKibbumba wange, ngʼobwoli mutuukirirye olangirire ngʼowembulaku omusango,
25 Tiwabaganya okukoba omu myoyo gyabwe bati, “Otyo, tusunire ekitubbaire tutaka!”
26 Oleke bonabona abegooŋa olwʼebigosi byange,
27 Oleke abasiima nsinge omusango
28 Olwo natumulanga oku butuukiriryebwo