1 Muwuuje oMusengwa!
2 inywe abaweererya omu nyumba ya Musengwa
3 Muwuuje oMusengwa olwʼokubba iye oMusengwa musa.
4 Ekyo kityo olwʼokubba oMusengwa yalondere oYaakobbo okubba wuwe,
5 Mmaite ngʼoMusengwa mukulu,
6 OMusengwa nabuli ekyataka akikola
7 Niiye asetula ebireri bya ikendi okuzwa ekyalo e gikikoma;
8 Niiye eyaitire ebibere byʼe Misiri,
9 Niiye eyakusindikiremu obumanyiciryo wʼebyewunyo nʼebyamagero iwe Misiri,
10 Niiye eyajigiricirye amawanga amangi, era
11 OSikoni okabaka wʼaBamooli,
12 Ekyalo kyabwe nʼakiwaayo ngʼobusika,
13 Oo Musengwa, eriinalyo libbeerererawo emirembe gyonagyona.
14 Ekyo kityo olwʼokubba oMusengwa yalangiriranga ngʼabantube owebabulaku omusango,
15 Ebifaananyi ebyʼokusinza ebyʼabakibbumba abʼabanamawanga bya feeza na zaabbu,
16 Biri nʼeminwa, neye tibitumula;
17 Biri nʼamatwi, neye tibiwulira,
18 Abo ababikola basuuka ooti niibyo,
19 Inywe abʼenyumba ya Isirairi, muwuuje oMusengwa.
20 Inywe abʼenyumba ya Leevi, muwuuje oMusengwa.
21 Bawuuje oMusengwa omu Sayuuni, iye oyo abba omu Yerusaalemi.