1 Okwiramu nʼeigonda kwikaikania ekiruyi,
2 Owʼamalabuki atumula ebyʼobutegeeri,
3 OMusengwa abona nabuli wantu,
4 Entumula eyʼekisa, ereeta okulama ooti musaale gwʼobwomi,
5 Omusirusiru anyooma ebyo oiteeye ebyʼamulaabbira,
6 Enyumba yʼomutuukirirye, ebbaamu ebyobusuni bingi,
7 Ebibono byʼabʼamalabuki, bisasya okumanya,
8 OMusengwa acaawa esadaaka eyʼomubbimubbi,
9 OMusengwa acaawa eneebitya yʼabantu ababbibabbi,
10 Iye oyo aleka enzira entuuce balimukangavulira nakimo bundi,
11 Oobanga oMusengwa amaite ebifa e magombe nʼomu geyeena,
12 Omunyoomi tataka okumunenya,
13 Eisangaalo lyʼomwoyo, lireeta akamwenyumwenyu omu maiso,
14 Omuntu omutegeeri anoonia kumanya,
15 Enaku gyonagyona egyʼoyo ogubagadya gibba mbiibbi,
16 Kisa okubba nʼebitono ngʼotya oMusengwa,
17 Kasinga muliira ebisyodo nga mutakangana,
18 Omuntu owensire, asiikuula enyombo,
19 Enzira yʼomugayaali ebba nswapi nʼamawa,
20 Omwana owʼamalabuki asangaalya oiteeye,
21 Obusirusiru ibwo isangaalo lyʼoyo omubuyaabuya,
22 Anambula kuteesa entegeka gifa,
23 Omuntu asangaala ngʼawaire ekyokwiramu ekituuce,
24 Owʼamalabuki akwata nzira eniina okwaba omu bwomi
25 OMusengwa avunirawo nakimo enyumba eyʼowʼamalala
26 OMusengwa acaawa ebiseego ebyʼomubbimubbi,
27 Alulunkanira okusuna aleetera amakaage obugosi,
28 Omutuukirirye asooka kuseega kaisi nʼabbaaku nʼekyairamu,
29 OMusengwa abba yala nʼomubbimubbi,
30 Akamwenyumwenyu omu maiso kaleetera omwoyo okujaagaana,
31 Iye oyo aikirirya okumulaabbira ebimwombeka,
32 Iye oyo agaana okumulaabbira, abba yeenyooma niiye onanyere,
33 Okutya oMusengwa, kwegesya omuntu amalabuki;