1 एयाहवेहए मिंर छारा क्वे घ्रि प्रिंन्;
2 याहवेहए ल्हागिर क्वे प्रिंन्, खीए मिं क्वेद्;
3 खी बेल्ले थेब मुँ बिसि अरू ह्रेंमैंए म्हाँजोर बिप्रद्,
4 तलेबिस्याँ याहवेह बेल्ले थेब मुँ, धै खीए मिं बेल्ले नुल्ले क्वेल् त्हुब मुँ;
5 तलेबिस्याँ अरू ह्रेंमैंइ म्हाँदिबै देवतामैं कु मत्त्रे ग,
6 खीए उँइँर इजेत नेरो मान मुँ;
7 ओ ह्रें-ह्रेंमैंए परवा, याहवेहए बयन लद्!
8 खीए मिंलाइ ङ्हेंबै मान याहवेहलाइ पिंन्;
9 खी पबित्र नेरो छ्याँब तब् सेसि याहवेहलाइ फ्योद्;
10 “याहवेहजी ग्याल्स लम्!
11 मु आनन्द तरिगे, पृथ्बी सैं तोंरिगे;
12 म्रों नेरो चर मुँबै तोन्दोंरि सै बेल्ले तोंरिगे!
13 तलेबिस्याँ खी युसिन् मुँ,