1 च लिउँइँ ङइ पृथ्बीए कुना प्लिर स्वर्गदूत प्लि रारिब् म्रोंइ। पृथ्बी, मा ङ्युँइ नेरो सिं धुँमैंर खैं आखरिगे बिसि चमैंइ खैं थोमल।
2 च स्वर्गदूत प्लिइ पृथ्बी नेरो मा ङ्युँइलाइ नास लबै हग योंल। झाइले सोगों परमेश्वरए छाप छेबै अर्को स्वर्गदूत घ्रि स्यारउँइँले खरिब् ङइ म्रोंइ। चइ अर्को स्वर्गदूत प्लिने थेबै कैले बिइ,
3 “ङ्योए परमेश्वरए के लब्मैंए ङ्होर ङिइ परमेश्वरए छाप आझोंन् समा पृथ्बी, मा ङ्युँइ नेरो सिं धुँमैंलाइ नास आलद्।”
4 कति म्हिलाइ छाप झोंइ बिस्याँ लाख घ्रि से प्लिच्यु से प्लि हजार (१,४४,०००) म्हिमैंए ङ्होर छाप झोंइ बिब ङइ थेइ। चमैं इस्राएली ह्रेंर्बै च्युसे ङ्हिं कुलर्बै म्हिमैं मुँल।
5 यहूदाए कुलउँइँले १२,०००
6 आशेरए कुलउँइँले १२,०००
7 शिमियोनए कुलउँइँले १२,०००
8 जबूलूनए कुलउँइँले १२,०००
9 च लिउँइँ खाबज्यै च्योसे च्योल् आखाँबै म्हिए हुल ङइ म्रोंइ। चमैं ताँन् ह्रें-ह्रेंर्बै, ताँन् कुलर्बै, ताँन् ह्युलर्बै नेरो ताँन् ह्रों-ह्रोंसए क्युइ पोंब्मैं मुँल। चमैं फोस्रे ब्योंबै क्वें खिसि छोरए धुँए हाँगमैं योर छेसि राजगद्दि नेरो क्यु च्हजए उँइँर रारिल।
10 झाइले चमैंइ थेबै कैले बिइ, “राजगद्दिर क्हुँबै ङ्योए परमेश्वर नेरो क्यु च्हजजी मुक्ति पिंम्।”
11 राजगद्दि, ङ्हिस्युसे प्लि चिब्मैं नेरो सो प्ह्याबै सै प्लिए कारग्युले स्वर्गदूतमैं मुँल। चमैं ताँनइ राजगद्दिए उँइँर पद्खु तसि छ बिदै परमेश्वरलाइ फ्योइ,
12 “आमेन! ङ्योए परमेश्वरए मिं खोंयोंन् बिलै थेब् तरिगे!
13 धै ङ्हिस्युसे प्लि चिब्मैं न्होंर्बै घ्रिइ “च फोस्रे ब्योंबै क्वें खिब्मैं खाब् जा? चमैं खनिउँइँले खइ?” बिसि ङने ङ्योएइ।
14 ङइ चने बिइ, “ओ चिब, ङलाइ था आरे। चु ताँ क्हिजीन् सेइमुँ।”
15 छतसि परमेश्वरए राजगद्दिए उँइँर रासि चमैंइ परमेश्वरए मन्दिरर त्हिंयाँ, म्हुँइँस खीए सेवा लरिम्। राजगद्दिर क्हुँबै परमेश्वर चमैंए म्हाँजोर खोंयोंन् बिलै तरिम् धै खीजी चमैंए रक्षा लमिंम्।
16 चमैं तारे खोंयोंइ या फो ख्रेंरिब् आरे, खोंयोंइ या क्यु पिरिब् आरे। छलेन त्हियाँ नेरो अरू तो सैज्यै या चमैंलाइ ख्रोंरिब् आरे।
17 तलेबिस्याँ राजगद्दिए म्हाँजोर मुँबै क्यु च्हजजीन् चमैंए प्ह्रोंछैं तसि रक्षा लब्मुँ, धै खोंयोंइ आखाँबै छ्ह योंबै क्युए मूलर खीजी चमैंलाइ डोरेसि बोमिंब्मुँ। धै परमेश्वरजी चमैंए मिर्बै मिग्लि फ्योमिंब्मुँ।”