1 च लिउँइँ मुर औदिबै चिनु म्रोंइ: च्हमिरि घ्रिइ त्हिंयाँ खिल, चए प्हले न्होंर लयाँ मुँल, धै चए क्रर च्युसे ङ्हिं मुसारए मुकुट मुँल।
2 चइ प्हसे नोल, धै प्हसे फिबै रें खसि थेबै कै तेरिल।
3 च लिउँइँ धबै मुर अर्को औदिबै चिनु म्रोंइ: चर बेल्ले थेबै ओल्ग्या अजिङ्गर मुँल। चए क्र ङि मुँल, धै क्र ह्रोंसे मुकुट मुँल। झाइले चए रुँ च्यु मुँल।
4 चए म्येइ मुर्बै सारा सोंबाँर तिबाँ सोर्दिसि पृथ्बीर भ्योंवाइ। कोलो फिबै तोंदोंन् क्ल्ह्योंवाब् बिसि च अजिङ्गर कोलो फिबि छेबै च्हमिरिए उँइँर रारिल।
5 धै च च्हमिरिइ च्ह घ्रि फिइ। (च च्हइ पैए प्हरे छेसि ताँन् ह्रेंमैंए फिर ग्याल्स लब्मुँ।) कोलो फिबै तोंदोंन् दूत घ्रिइ कोलोलाइ परमेश्वर ङाँर बोसि खीए राजगद्दिर थेंइ।
6 च च्ह फिबै च्हमिरि बिस्याँ क्यु आयोंबै क्ल्ह्योउँइँ भौदिह्याइ। चरि चए ल्हागिर हजार घ्रिसे ङ्हिब्रसे ट्हुच्यु (१,२६०) त्हिंइ समार्बै चब् थुँबै सैमैं परमेश्वरजी ओंसोंन् तौदु लथेंल।
7 च लिउँइँ स्वर्गर ल्हडें तइ। मिखाएल बिबै थेबै स्वर्गदूत नेरो चए न्होंर्बै स्वर्गदूतमैंइ च अजिङ्गरने ल्हडें लइ। च अजिङ्गर नेरो चए दूतमैं या चमैंने ल्हडें लइ।
8 दिलेया मिखाएलइ ट्होवासि च अजिङ्गर नेरो चए दूतमैं च त्हेउँइँले स्वर्गर टिल् आयों।
9 मिखाएलइ च थेबै अजिङ्गरलाइ स्वर्गउँइँले भ्योंवाइ। च अजिङ्गर स्योंम्बै प्हुरि ग, चलाइ स्युर्गु नेरो दुष्ट बिम्। चइ ताँन् ह्युलर्बै म्हिमैंने स्योर तेसि लुइमुँ। च नेरो चए दूतमैंलाइ परमेश्वरए दूतमैंइ पृथ्बीर भ्योंवाइ।
10 झाइले स्वर्गर छ बिबै थेबै कै ङइ थेइ,
11 ङ्योए अलि-अङाँमैंइ क्यु च्हजए को नेरो खेंमैंइ पिंबै ग्वाइउँइँले
12 छतसि स्वर्ग नेरो चर मुँब्मैं सैं तोंन्।
13 ह्रोंसलाइ स्वर्गउँइँले पृथ्बीर भ्योंवाब् था सेसि अजिङ्गरइ कोलो फिबै च्हमिरिलाइ ल्हाइ।
14 दिलेया च च्हमिरि अजिङ्गरउँइँले लोबर म्हि आटिबै क्ल्ह्यो समा प्हुरह्यारिगे बिसि परमेश्वजी चलाइ थेबै क्व्रेए प्ह्या ङ्हिं पिंइ। च म्हि आटिबै क्ल्ह्योर सोंदिं से म्हैंन ट्हुल् समा च च्हमिरिए ल्हागिर चब-थुँबै सैमैं परमेश्वरजी ओंसोंन् तौदु लथेंल।
15 झाइले च च्हमिरिलाइ नोबोरिगे बिसि च अजिङ्गरइ ह्रोंसए सुँउँइँले थेबै स्यों तेइ।
16 दिलेया च च्हमिरिलाइ जोगेमिंबै ल्हागिर पृथ्बीइ सुँ फैसि च अजिङ्गरए सुँउँइँले त्होंबै स्यों क्ल्ह्योंवाइ।
17 छतमा च अजिङ्गर च च्हमिरिने बेल्ले ह्रिस खइ। धै च च्हमिरिए अर्को सन्तानमैंने, अथवा परमेश्वरए ताँ ङिंब्मैं नेरो येशूए बारेर क्ह्रोंसेंन्बै ग्वाइ पिंब्मैंने ल्हडें लबर ह्याइ।
18 धै च धबै मा ङ्युँइए रेर राइ।