1 Aye Omonene, Nyasae bw’ogotooreka kwane,
2 Ogosaba kwane tiga goike ase obosio bwao,
3 Omoyo one nigo oichire nemechando,
4 Inche nabareranigwe amo nabwo bakogenda ase embeera,
5 Natigirwe inde buna oyomo bw’abakuure
6 Kwambekire inse kegima ase embeera ime;
7 Egesusuro kiao nigo kere ekerito igoro yane,
8 Kwabekire aare abagisangio baane twamanyaine,
9 Amaiso aane amwamire ase okweumia;
10 Inee! Abakuure nkobakorera ore amakumia?
11 Inee! Obwanchani bwao ngokwanwa bore ime ase chimbeera,
12 Inee! Amang’ana ao ay’ogokumia namanyire agwo ase omosunte ime?
13 Aye Omonene, nigo nkorera asore, onkonye,
14 Omonene, nase ki gwatugutire omoyo one?
15 Korwa obwana bwane nabeire inde nemechando, nabeire ang’e nogokwa,
16 Endamwamu yao entindi yantubire kegima,
17 Nigo ang’etanaine buna amaache omobaso boira;
18 Aye gwatananire omwanchwa one na omosani one bambeereire