1 Inwe abanto baane, igwa amang’ana nkoborokereria,
2 Inche ninkwane ase omoreng’anio,
3 Amang’ana ayio twaigwete na koyamanya,
4 Amang’ana ayio titokoyabisa ase abana babo;
5 Ere nigo abegete oborori bwaye ase abanto b’ororeria rwa Yakobo,
6 Nigo aganetie ng’a abanto b’ebiaare bigochi‐gocha bayamanye,
7 Erio nario barabe bagosemeria Nyasae,
8 Barabwo tibaabaisa koba buna chisokoro chiabo,
9 Abanto b’Efraimu, abwo babogoretie amata,
10 Barabwo tibarendete okobwatana kw’ogotianania kwa Nyasae,
11 Bakeba amang’an’Omonene konya akorire,
12 Ase amasio e chisokoro chiabo Nyasae nigo akorete amakumia
13 Omonene nigo aatananete amaache ’enyancha,
14 Ase chingaki chia mobaso nigo arenge kobaraa ne riire,
15 Ere agatandora ebitare agwo ase erooro,
16 Agatubokia chindooche korwa ase ebitare ime,
17 Nonya naboigo abanto abwo nigo bamentete gokora ebibe ase Omonene,
18 Barabwo nigo bateemete Nyasae ase chinkoro chiabo ime,
19 Bagakwana amang’ana arenge mamincha ya Nyasae, bagateeba,
20 Ee, amaene ere naagete egetare na amaache agacharara korwao,
21 Ase ayio, ekero Omonene aigwete ayio, agaichorwa nekeririanda,
22 Ayio nigo akoregete, ekiagera tibamwegenete Nyasae,
23 Korende nonya nabo, ere nigo achigete igoro,
24 akabatweria endagera ekorokwa mana, bakaba bakoyeria;
25 Ase ayio, Mwanyabaanto bakaria endagera y’abamalaika;
26 Akarenta omwaga o moocha okagusa igoro,
27 Erio akabarentera chinyama chinyinge buna orotu,
28 agatiga chinyoni echio chikagwa gati‐gati y’egetwori kiabo,
29 Erio abanto abwo bakaria chinyama bakaigota,
30 Korende ekero chinyama chiarenge ase emenwa yabo
31 Nyasae akaba nendamwamu enene ase bare,
32 Nonya naboigo, abanto abwo nigo bagendererete gokora ebibe,
33 Ase ayio agakoora amatuko abo, akayasiria,
34 Ekero aitete abanto abatigari nigo bamorigetie;
35 Nigo bainyorete ng’a Nyasae nere egetare kiabo;
36 Korende nigo bakwanete amang’ana amansu ase okomong’aina,
37 Tibamobwatetie bokong’u ne chinkoro chiabo,
38 Korende Omonene nigo arenge namaabera,
39 Nigo ainyorete ng’a barabwo Mwanyabaanto bagosira,
40 Ase chingaki chinyinge nigo babete bagosaria ase Omonene agwo ase erooro;
41 Nigo babete bakomoteema naende,
42 Ti babete bakoinyora chinguru chi’okoboko kwaye,
43 na buna akorete ebikone ebinge ase ense ya Misiri,
44 Aroro aari’Omonene nigo aonchorete amaache e chindooche akaba amanyinga,
45 Nigo arentete chingi chinyinge chikabachanda,
46 Akarenta chingeeti chigasaria ebimeri biabo,
47 Omonene nigo arentete amagena ’embura agasaria emesabibu yabo,
48 Akarenta amagena ’embura agaita chiombe chiabo,
49 Omonene akabatomera endamwamu yaye enene, na ekeririanda kiaye,
50 Ere akaroiseria endamwamu yaye enchera;
51 Agaita abana abatangi bonsi aaria Misiri,
52 Erio akang’anyia abanto baye buna ching’ondi chikong’anyigwa,
53 Akabaraa na kobarenda buya, na tibabete nobwoba,
54 Omonene akabarenta ase ense yaye enchenu,
55 Agaseria abanto b’ebisaku korwa bosio bwabo.
56 Erio bagateema Nyasae Ore Igoro Mono, bakamogechia,
57 Nigo baonchogete tibaaba abegenwa, buna chisokoro chiabo chitabeete abegenwa,
58 Bakagechia Omonene ase engencho
59 Ekero Nyasae aroche ayio, akaba nekeririanda,
60 Omonene akaanga eema yaye yarenge Silo,
61 Nigo atigete eke kiarenge chinguru chiaye kegasakorwa,
62 Ere nigo abeete nendamwamu ase abanto abwo barenge omwando oye,
63 Omorero ogaita abamura babo,
64 Abakuani babo nigo baitetwe nemioro,
65 Eri’Omonene akaboka buna nigo araire chitoro,
66 agaaka abachandi baye bagatama gochia ase barwete,
67 Omonene akaanga abanto b’ororeria rwa Yusufu,
68 korende agachora abanto b’egesaku kia Yuda,
69 Aroro akaagacha obomenyo bwaye obochenu bobere igoro mono,
70 Agachora Daudi omosomba oye,
71 Ee, akamorusia korwa ase arenge gotunyana ching’ondi chiare ne chimanwa chikogonka,
72 Daudi akaba omorisia bw’abaanto abwo ore nenkoro endonge,