1 Nyasae, intwe tweigwereire namato aito,
2 Aye omonyene nigo gwaseretie abanto b’ebisaku nokoboko kwao,
3 Abanto bao tibairete ense eria ase okoyerwania nemioro,
4 Aye naye omorwoti one, na Nyasae one,
5 Ase chinguru chiao nigo toraiyerie inse ababisa baito;
6 Inche tinsemeretie obota bwane; gose omoro one tong’a obobui.
7 Korende naye gwatoete obobui igoro y’ababisa baito,
8 Intwe ntogenderere gwetogia asore aye Nyasae,
9 Nonya naboigo gwatotigire na gotosookia,
10 Gwatokorire gotama ababisa baito,
11 Aye kwarure ribaga toriegwe buna ching’ondi chikoriegwa,
12 Aye kwaoonirie abanto bao ase rigori risinini mono;
13 Gwatokorire koba okogechia ase abanto baito;
14 Gwatokorire koba omorabaaro ase egati y’abanto b’ebisaku,
15 Ogochaywa kwane nigo kogendererete asende omobaso boira,
16 ekero nkoigwa amang’ana ’abagonchecheria na gonkwana bobe,
17 Amang’ana aya onsi atonyorire,
18 Chinkoro chiaito tichionchogeti chigotige,
19 erinde otoake na gototuguta ase chisese chi’orosana chimenyete,
20 Onye ntwebire erieta ria Nyasae oito,
21 Inee, Nyasae tari komanya amang’ana ayio?
22 Korende ase engencho yao nigo togoitwa omobaso boira,
23 Aye Omonene, boka oimokerere igoro?
24 Nase ki aye kwabisire obosio bwao korwa ase tore?
25 Amaene, emioyo yaito yaiyerigwe inse ase orotu,
26 Imokerera igoro, ochiche otokonye!