1 Omonene, tontogonyera ekero ore nendamwamu,
2 Kwandasire emegwe yao yasoeire ime yane,
3 Ase engencho y’ekeririanda kiao omobere one bwensi orwarire,
4 Ebibe biane biantubire nonya nomotwe bwonsi,
5 Amaote aane agundire atiokire bobe
6 Igo ng’umaime na koumata,
7 Chibachwa chiane nigo chikoyia buna omorero,
8 Chinguru chiane chionsi chiaerire, nasenyentekire,
9 Omonene, aye nigo omanyete okogania kwane gwonsi,
10 Enkoro yane nigo egotiesana, chinguru chiang’ereire;
11 Abanchi na abasani baane babeereire aare korwa ase amaakwa aane,
12 Abanto abwo baganetie gosiria obogima bwane bantegeire oboreba;
13 Korende inche nabeire buna omotino, tindi koigwa,
14 Ee, inche nabeire buna omonto otari koigwa,
15 Korende Omonene, naye nsemereretie.
16 Nigo nkogosaba ng’a ababisa baane tibagokera emechando yane;
17 Inche nabeereire ang’e kogwa,
18 Bono nigo nkoorokia ogosaria kwane,
19 Ababisa baane nigo bare abagima, naende bare ne chinguru,
20 Abwo bagoakana amabe ase amaya
21 Omonene, tontiga!
22 Aye Omonene ore ogotooreka kwane, ayerera onkonye!