1 Moakere Omonene ng’a mbuya mono, ekiagera ere nomuya;
2 Moakere Nyasae, oyobuete chinyasae, ng’a mbuya mono,
3 Moakere Omonene bw’abanene ng’a mbuya mono,
4 Nere bweka okorete amakumia amanene,
5 Ere ase obong’aini bwaye nigo atongete igoro,
6 Ere oramborete ense, akayiaara ase amaache,
7 Ere okorete emebaso eria emenene,
8 Akabeeka risase rigambe mobaso,
9 Akabeeka omotienyi ne ching’enang’eni bigambe botuko,
10 Ere nigo aitete abana abatangi ba Misiri, ne ching’iti chintangi boigo,
11 Erio akang’anyia Abaisraeli korwa ase Abamisiri,
12 Akabarusia aroro n’okoboko kwaye gwe chinguru koramboire,
13 Ere nigo aatananete Enyancha Embariri,
14 Erio akaambokeria Abaisraeli aroro,
15 Ere akarimeria Farao amo nemeganda yaye ase Enyancha Embariri,
16 Ere nigo araaete abanto baye goetera ase erooro,
17 Ere nigo aitete abarwoti barenge ne’chinguru,
18 Ere nigo aitete abarwoti abaakumete,
19 Agaita Sihoni, omorwoti bw’Abaamoni,
20 Agaita na Ogi, omorwoti o Basani,
21 Akabaura chinse chiabo chikaba omwando bw’ abanto baye,
22 Chinse echio chikaba omwando bw’Abaisraeli, abasomba baye,
23 Ere nigo atoinyorete ekero twarenge aboororo,
24 Ere nigo atotooretie korwa ase ababisa baito,
25 Ere nigo akorua endagera oa ebitongwa bionsi bire moyo,
26 Moakere Nyasae o igoro ng’a mbuya mono,