1 Aye Nyasae ningotogie, tobaisa gokira‐kiri.
2 Abakori amabe abare abang’ainereria nigo bagokwana igoro yane,
3 Bang’etananire bagokwana amang’ana y’obobisa,
4 Nonya inche ’mbanchete, barabwo nigo bangeechete,
5 Nigo bakong’akana amabe ase amaya aane
6 Chora omonto omobe amogambere omobisa one,
7 Ekero agambiigwe ekiina, tiga abarerwe okomocha,
8 Amatuko aye tiga abe amake,
9 Tiga abana baye batigwe bare chintakana,
10 Abana baye babe bakoombogana na kona‐gosaberera,
11 Tiga abamoete ebinto singo bache baire ebinto biaye bionsi;
12 Monto onde tabaisa koba omuya asare,
13 Tiga ororeeria rwaye rosirigwe,
14 Ebibe bie chisokoro chiaye biinyorwe ase obosio bw’Omonene,
15 Ebibe biabo tiga bigenderere kobeera ase obosio Omonene botambe;
16 Omonto oyio tainyorete koorokia amaabera,
17 Ere nigo anchete koragereria,
18 Nigo ambarete okoragererigwa buna akwambara egoti yaye;
19 Tiga okoragererigwa okwo kobe buna egetambaa akwambara,
20 Tiga Omonene abaakane igo abwo bagonsoera,
21 Korende aye Nyasae, Omonene one, ondwanerere ase engencho y’erieta riao,
22 Inche nigo ’nde omotaka oremeire mono,
23 Nigo ’ngoeta buna omorengari o mogoroba,
24 Amaru aborirwe chinguru ase engencho y’okweng’ata,
25 Nabeire omonto ogosekererwa nabansoeri;
26 Aye Omonene, Nyasae one, inkonye!
27 Tiga abansoeri abwo bamanye ng’a aya nigo arure ase okoboko kwao.
28 Barabwo tiga bandagererie, korende aye onsesenie.
29 Tiga abansoeri baboigwe ogochaaywa,
30 Ning’iranerie Omonene ng’a mbuya mono kegima n’omonwa one,
31 Omonene nigo ateneine ensemo y’okoboko gw’okorio kw’omotaka,