1 Inee! Obong’aini tibori korangeria? Okomanya tikori goaka eriogi rinene?
2 Obong’aini nigo bogotenena aase aimokererete igoro, ang’e n’enchera engendi,
3 Mbarabare ase ebiita bosio bw’omochie ase ebisoero bi’ebiita
4 “Inwe abanto, ninwe ’nkorangeria;
5 Inwe abamotamanyeti amaange, egera obong’aini;
6 Tegerera moigwe, ekiagera nigo ’ndakwane amang’ana amaya mono;
7 Amang’ana ’ngokwana nay’ekeene;
8 Amang’ana ane onsi ’ngokwana nigo are ay’oboronge,
9 Nigo akoigweka buya ase omonto oyio okoyamanya,
10 Ancha amorokererio ane kobua efeta,
11 “Obong’aini nigo bore obuya kobua amagena akomeka‐meka aye rigori rinene,
12 Inche obong’aini nakorire okomanya kwabeire obomenyo bwane,
13 Okomoiroka Omonene nokogecha obobe;
14 Inche nigo ’nkorua ogoseemia na obong’aini bw’ekeene;
15 Ase obokonyi bwane abarwoti nigo bakogaamba,
16 Ase obokonyi bwane abagaambi nigo bakorwa oboronge,
17 Nigo nyanchete abwo banyanchete;
18 Ninche ’nkorua obonda, na esiko,
19 Okwama nkorua nigo kore okuya kobua etaabu, ee, kobua etaabu engiya,
20 Nigo ’nkobwatia enchera y’oboronge,
21 Nigo ’nkoa abwo banyanchete obotenenku na goichoria chikungo chiabo.
22 Omonene nigo arenge nainche korwa omochakano bwe chiinchera chiaye,
23 nao narenge korwa agwo kare na kare,
24 Inche nigo naiboretwe chindiba chitarabao,
25 Nigo naiboretwe oboroso bw’ebitunwa botarabekwa,
26 ekero ataratonga ense ne riroba riaye,
27 Ekero atongete igoro chionsi nao narenge,
28 Ekero abeegete igoro ekabao,
29 na ekero abeekerete chinyancha chimbebe,
30 Inche nigo narenge amo nere buna oyomanyete emeremo eyio buya.
31 Nigo nagokerete ense yaye emenyire nabaanto,
32 “Na bono, inwe abana bane, ’ntegerere moigwe,
33 Igwera amorokererio!
34 Nasesenirie omonto oyio okonyigwera;
35 Omonto onyorire inche, oyio onyorire obogima;
36 Korende oyio otari nainche nigo akwenachera ekiina ere omonyene.