1 Aye Omonene, inyora aya atonyorire,
2 Omwando oito oeirwe abanto abaao,
3 Twabeire buna chintakana, chitari nabaise,
4 Amaache tokonywa goika toakane chitaabu,
5 Abachandi baito nigo batobwatete amogoti,
6 Twaramboreire Abamisiri na Abaasuri amaboko
7 Chisokoro chiaito nigo chiakorete ebibe, bono tichiyo;
8 Abasomba nabwo bagotogaambera,
9 Nigo tokonyora endagera yaito ase okobeeka obogima bwaito ase emechando,
10 Amasankwa ’emebere yaito nigo are ne riberera buna erie riko,
11 Abakungu baito bare Sayoni bakoreirwe amabe,
12 Abagaambi baito babwatirwe na gosungwa,
13 Abamura baito nabwo bakobogoria chingena chigoserwa,
14 Abagaaka tibari goikaransa geita ki’omochie,
15 Omogoko bwe chinkoro chiaito osirire;
16 Chigutwa chiarenge ase emetwe yaito chiagure inse.
17 Ase engencho y’ayio chinkoro chiaito chiarwarire,
18 Ekiagera egetunwa gia Sayoni giatigaire kere bosa,
19 Korende aye Omonene nigo oragaambe kare na kare,
20 Naki gwatwebire kogenderera botambe?
21 Aye Omonene, toiranie gocha asore, erinde toiranigwe,
22 Gose ngwatotangire kegima?