1 Inche nomonto narorire emechando
2 Ontang’anire na kong’etia ase omosunte,
3 Ekeene, nigo akona‐koonchora okoboko kwaye igoro yane,
4 Otigire chinyama chi’omobere one, ne risankwa, bigosareka;
5 Onsibire ase eburi ime
6 Ombekire imenye ase omosunte,
7 Onsiekeire ase chinsemo chionsi,
8 Nonya nkorera neriogi rinene ng’a nkonywe,
9 Oribirie chinchera chiane namagena abaachire,
10 Nigo amboerete buna edubu, enyang’au entindi, ekoboera,
11 Oonchoranire chinchera chiane na kombutorana ebing’ese,
12 Otingire obota bwaye, na ombekire
13 Ere ondasire ne chinsara chi’egochi yaye,
14 Inche nabeire oyo ogosekererwa nabaanto bane bonsi,
15 Ong’ichoirie nobororo,
16 Obunire amaino aane ase ogontakunia chinche chi’amagena,
17 Aye kwarusirie omorembe ase omoyo one,
18 Ngateeba, “Chinguru chiane chiaerire,
19 Inyora emechando yane, na obokong’u bwane,
20 Omoyo one nigo ogendererete koyainyora,
21 Korende amang’ana aya nigo nkoyainyora ase omoyo one,
22 Nobwanchani bw’Omonene botari koera ng’a titosiriri,
23 nigo bire ebiyia ase kera emambia,
24 Omonene nere egetari kiane, ayio naro omoyo one ontebirie,
25 Omonene nigo are omuya ase onde bwensi omoganyete,
26 Nigo ere buya ase omonto okoba n’obotoereru
27 Nigo ere buya ase omonto okobogoria rikorogoto ekero are omoke.
28 Tiga aikaranse ao bweka akire‐kiri,
29 Tiga abeete omonwa oye ase riroba akire‐kiri,
30 Tiga aonchore orosea rwaye gochia ase oyio okomoaka,
31 Omonene tagotuguta omonto goika kare na kare.
32 Nonya omobekire ase omoichano, namororere amaabera naende,
33 Ere tari gwancha gochanda Mwanyabaanto, gose kobaichania.
34 Omonto ogotiringera inse abasibwa
35 gose koonchorana oboronge bw’omonto ase obosio bw’Oyore Igoro Mono,
36 gose gokorekania ekiina ki’omonto onde bwensi.
37 Ning’o okwanete ring’ana, na rirorio rigakoreka,
38 Inee! Amabe na amaya,
39 Nase ki rende Mwanyabaanto ore moyo akwemurunganeria?
40 Tiga twetuke intwe abanyene na toteeme chinchera chiaito,
41 Tiga toimokererie chinkoro chiaito igoro, na amaboko aito,
42 “Intwe twasaririe asore, twabeire abatari abaigweri,
43 “Aye gwetubire endamwamu na gwatochandire,
44 Aye omonyene gwetubire riire,
45 Aye gwatokorire twabeire eubi na abaangire,
46 “Ababisa baito bonsi baasamirie emenwa yabo gotosekerera.
47 Obwoba ne chiirima biatocheire amo nogosaria na ogosirigwa.
48 Amaiso aane nigo agoitera amariga amange buna amaache a rooche,
49 “Amaiso aane abeire agoitera amariga atari gokama,
50 goika ekero Omonene ararigererie korwa igoro na arore ayio onsi.
51 Amaiso aane agerire nabeire nomoichano ase omoyo one
52 “Nigo narenge korigigwa buna enyoni
53 Bakanduta ase engoro ime inde moyo,
54 Amaache agaichora agaeta ase omotwe one igoro,
55 “Aye Omonene, nigo narangeretie erieta riao
56 na aye okaigwa okorera kwane;
57 Aye nigo kwang’igete ang’e ase rituko riria narerete asore,
58 “Aye Omonene, kwarwanereire omoyo one
59 Kwarorire obobe obo nakoreirwe,
60 Aye kwarorire buna ababisa bane baganetie korusia egesiomba,
61 “Aye Omonene, noigwete okorama kwabo,
62 Aya abwo bakondwania bagokwana
63 Rora, ekero abwo baikaransete, na ekero bakoimoka,
64 “Aye Omonene,
65 Otube chinkoro chiabo nomosunte;
66 Aye Omonene, babwatie nendamwamu yao, obasirie,