1 Aye Omonene, ekero nkoamererania naye,
2 Aye kwabasimekire, nabarabwo bairire emeri inse.
3 Korende aye Omonene nomanyete inche,
4 Ngoika ririri ense erabe ekorera,
5 “Onye gokorosa ase okoamererania nabaanto bakominyoka namagoro,
6 Nonya nabamino, abanto b’eamate ya iso,
7 “Inche natigire abanto baane,
8 Abanto bare omwando one babeire buna endo ere ase rinani.
9 Inee! Abanto bare omwando one nigo babeire buna enyoni ere enkanga
10 Abarisia abange basaririe omogondo one bw’emesabibu,
11 Bayotigire ore bosa,
12 Abasaria batiirire gochia ase ebigoro bi’erooro.
13 Babusuire engano, korende mbagese amagwa.
14 Aya nar’Omonene agoteeba igoro y’abagisangio baane ababe, abwo bagosaria omwando oria naeire Abaisraeli: “Nimbarusie barue ase ense yabo, naende nindusie Abayuda barue ase egati yabo.
15 Na magega y’ayio, ekero nabarusirie ase ense eyio, nimbarorere amaabera naende, mbairanie naende kera omonto ase omwando oye, na ase ense yaye.
16 Onye ekero ekio abanto abwo bakweorokereria chinchera chi’abaanto baane, na gotiana ase erieta riane, bagoteeba: Ekeene, buna Omonene are moyo, buna abwo kare borokereretie abanto baane gotiana ase erieta ri’enyasae Baali, erio nario ndabasesenie na kobairaneria amaya abo, ase egati y’abanto baane.
17 Korende onye egesaku kende gionsi kegochia kwanga konyigwera, rirorio ninkerusieo ngesirie kegima. Ninche Omonene nakwanire.”