1 Erio Ayubu akairaneria, akabora:
2 Ekeene, namanyire ng’a ayio nabo are,
3 Omonene karaamereranie nomonto amang’ana elifu eyemo,
4 Omonene nigo are nobong’aini ase enkoro yaye, na omonyene chinguru,
5 Ekero Omonene akoba nendamwamu nigo akoonchorana ebitunwa,
6 Nigo agotengechia ense yarwa aase aye,
7 Nigo agochika erioba tirigosoka;
8 Nere bweka oramborete igoro chionsi, agachiaara,
9 Nyasae nere otongete ching’enang’eni chia igoro Edubu.
10 Nigo agokora amang’ana amanene aetanetie obomanyi bwonsi,
11 Rora! Ere nigo akong’ika ang’e oeta, tinkomoorora;
12 Ere nigo akoira eki aganetie.
13 Nyasae tari gotigeria endamwamu yaye,
14 Naki rende ndakore imanye gochora amang’ana agwenerete,
15 Nonya inche nare koba tindi nokomocha, tinarenge komoiraneria;
16 Onye narenge komorangeria, na ere ang’itabere,
17 Ere ong’akire nomwaga ore nomoubera,
18 Tang’eti ribaga nkoeyanera,
19 Onye namang’ana e chinguru, rora ere nigo are ne chinguru.
20 Nonya nare koba omonyaboronge,
21 Inche tindi na komocha.
22 Mang’ana taiyo. Ase ayio nigo ngoteeba:
23 Ekero ebiku bikorenta amakweri a mobosokano,
24 Ense nigo ebeekire inse y’amaboko ’abakori amabe,
25 Amatuko aane nigo agoeta bwango kobua omominyoki okominyoka;
26 Ee, nigo agoeta bwango buna obwato obonyerere bw’ebirigisa,
27 Inse goteeba ng’a nyebe ogwechanda kwane,
28 nigo ndabe nobwoba igoro y’emechando yane yonsi,
29 Inche goika mbarwe ng’a nomokori amabe inde.
30 Ninsa gwesibia namaache arabete buna amagena ’embura,
31 nigo orantugute ime ase engoro,
32 Nyasae tari omonto buna inche, erinde imoiranerie,
33 Monto onde tari orabe omogayani oito,
34 Tiga ere arusie enyimbo yaye korwa ase ’nde;
35 Erio inyare gokwana ntari nobwoba ase engencho yaye,