1 Bono Elifasi Omotemani akairaneria, akabora:
2 Inee! Omonto arateema gokwana naye, nogechigwe nere?
3 Rora, aye kworokereirie abanto abange,
4 Amang’ana ao abeire akoremia oyo konya osinyirwe kogenderera,
5 Bono naye emechando yacheire, na tori noboremu bonde bwonsi,
6 Aye buna omoirogete Nyasae, tori noboremu?
7 Bono rengereria, indi yabeete ng’a omonto omoikeranu nasiretigwe?
8 Aya naroche naya: Baria bakorema obosareku,
9 Nyasae nigo akobaeyanera basira,
10 Nonya bakoruma buna endo ere entindi, bakirigwe,
11 Endo engotu nekwe ase okoborwa chinyama ekoria.
12 Ring’ana ndire rianchicherete bobisi,
13 Ekero abanto bararire chitoro chindito
14 obwoba bokambwata amo nokoiguswa,
15 Embeo egaeta ase obosio bwane,
16 Omogwekano bw’egento gete ogatenena ase obosio bwane,
17 Inee! Mwanyabaanto nanyare koba omooronge kobua Nyasae?
18 Rora, Nyasae tari gosemeria nonya nabasomba baye;
19 Onye naboigo, naki rende arasemerie abwo bamenyete ase chinyomba chi’amaroba,
20 Abanto nabo baranyare koba moyo ase engaki ya mambia,
21 Bionsi ebi’abaanto abwo basemeretie nigo bigosira kegima.