1 Erio Sofari Omonaama akairaneria, akabora:
2 “Bono ebirengererio bire ime yane bianchandire,
3 Naigure ogokuurerwa gw’okonyomania ng’a inche nomomochi,
4 Inee! Aye tikwana komanya ng’a korwa kare, ekero Mwanyabaanto babeegetwe ase ense,
5 omochengo bw’abakori amabe noyo bw’engaki enke,
6 Ere naisa koba nobonene boigete igoro,
7 goika asire kare na kare,
8 Nigo arasire buna chindoto, takonyorekana,
9 Eriso riarenge komoorora, tirikomoorora naende,
10 Abana baye mbabe bagosaberera korwa ase abataka,
11 Amauga aye nigo aichire ne chinguru chi’oboke bwaye,
12 “Nonya obobe bore obwansu ase
13 nonya obwatererete obobe obwo
14 endagera eyio nigo erarore se ase enda yaye,
15 Ere nigo akomera chinibo, naende ochiroka;
16 Omonto oyio nanyunyunte obosongo bw’eng’iti nomonwa,
17 Ere takwegokia ase okorora chindooche,
18 Ebinto akoreire emeremo emekong’u nabiiranie, takobimera,
19 Ekiagera obeire ogokorera abataka bobe na kobatiga bare bosa,
20 Ekeene, ribero ri’omonto oyio riagerire taba n’obotoereru,
21 Ekero arageire tari gotigaria kende,
22 Nebe ekero agendererete gotenenka mono nachandwe,
23 Nebe ng’a ekero aisire koigota,
24 Nabe ogotama korwa ase ekerwanero gi’ekioma,
25 Ensara eyio eng’uswe korwa ase omobere oye,
26 Omosunte ekerima nigo ogacheire chinibo chiaye;
27 Igoro neorokie ebibe biaye maiso marore,
28 Ebinto asangereretie ase enyomba yaye mbiirwe;
29 “Eke nakio egetari ki’omokori amabe gekorwa ase Nyasae,