1 Bilidadi Omosua akairaneria, akabora:
2 “Inee! Ngoika ririri ogochia korigia amang’ana agokwanwa?
3 Nase ki tokobarwa koba buna ching’iti?
4 Inee! Aye nigo ogwetandora ase engencho y’endamwamu yao,
5 “Amaene, omobaso bw’omokori amabe norime,
6 Oborabu bore ase obomenyo bwaye
7 Amatambokero aye are ne chinguru nakeeigwe,
8 Amagoro aye nabwatwe nomotego,
9 Omotego nomobwate ase egetingiro
10 Engori y’ogotegerwa nebiswe ase riroba ase agotacha,
11 Nabe okogoswa na kwoboigwa korwa ase chinsemo chionsi,
12 Enchara nemorie goika chinguru chiaye chiere,
13 Oborwaire mbokoore risankwa ri’omobere oye,
14 Nataboranwe ne chinguru korwa ase obomenyo konya asemeretie,
15 Enka yaye nebe bosa abanto abaao mbabe bakomenya aroro;
16 Emeri yaye ’nyome inse ye riroba,
17 Oyio takoinyorwa ase ense nonya ng’ake,
18 Ere narusigwe korwa ase oborabu arutwe gochia ase omosunte;
19 Takoba nomwana gose abanto b’ororeria rwaye ase egati y’abanto bamwabo,
20 Abanto bamenyete bosongo mbakumie igoro ye rituko ri’ogosirigwa kwaye,
21 Ekeene, obomenyo bw’abatamoirogeti Nyasae nabo bore igo,