1 “Mwanyabaanto okoiborwa nomokuungu,
2 Ere nigo akororekana buna egesicha giasichire na giasira bwango,
3 Inee! Aye nigo okorigereria omonto buna oyio?
4 Ning’o oranyare korenta egento gechenegete korwa ase egetachenegeti?
5 Omonto nigo abareire amatuko aye,
6 Tiga komorigereria, motige anyore obotoereru,
7 “Ogosemeria nkoreo ase omote,
8 Emeri y’omote oyio neisa kogota ime ase riroba,
9 nonya naboigo, ekero embura eratwe,
10 Korende omonto nigo agokwa, bwarerigwa riroba inse;
11 “Buna koreng’ana amaache e chinyancha agosira pi,
12 naboigo na Mwanyabaanto kararire, tagotenena naende;
13 “Naki anga yaba buya, onye nkwambisa agwo aase abakuure;
14 Inee! Omonto gakuure, nairane koba moyo naende?
15 Aye korandangerie, na inche ningoitabere,
16 Bono aye nigo okobara amatambokero aane,
17 Ogosaria kwane kware komumekerigwa egunia ime,
18 “Buna egetunwa gekogwa na giasamunyokana,
19 buna amaache agwata amagena asamunyokana,
20 Aye nigo ogendererete kobua omonto,
21 Abana baye nigo bakoegwa ogosikwa,
22 Ere nigo akoigwa obororo ase omobere oye,