1 Ekero Yona arenge ime ase enda y’enswe eria, akaba ogosa Omonene, Nyasae oye,
2 agateeba, “Ekero narenge ase emechando, aye Omonene, ngakorangeria naye okangiraneria inche.
3 Aye nigo kwandutete gochia ase chindiba,
4 Ase ayio inche nkarengereria ng’a natugutirwe korwa ase obosio bwao,
5 Amache agacha agantuba naende agantokeria inche; enyancha egantuba inche kegima enderema ya nyancha ekarandererwa omotwe one.
6 Nigo nagendete inse kegima goika ase emeri y’ebitunwa agwo ase ense eyio ebisiekero bi’ebiita biaye bigosieka kare na kare.
7 Ekero obomoyo bwane bwachagete gosoka gochia aria are erio aye Omonene ngasaba gocha ase ore na korwa ime y’Hekalu yao enchenu okanyigwa inche.
8 Abanto abwo bagosasiima emegwekano eyio ere bosa barabwo batigire oboigweri gocha ase ore.
9 Korende inche ningoterere ’ngokobaka aye; nikoruere aye ekengwanso na goikerania aria nakoriereire chiira.
10 Eri’Omonene akayechiika enswe eria emoroke Yona, igoro ase engegu, nero egakora boigo.