1 Ase amatuko aria Hezekia akarwara, akaba ang’e nogokwa. Isaya omobani, mosinto bw’Amosi, agacha asare, akamoteebia, “Aya nar’Omonene agoteeba: Ebeke ang’e, amo nenyomba yao, ekiagera aye goika okwe, tokogwena.”
2 Hezekia akaonchora obosio bwaye gochia ase enyasi, agasaba Omonene,
3 akabora, “bono Omonene nagosoroire, inyora buna nabeire ngokobwatia ase obwegenwa, na ase enkoro yane yonsi, naende nakorire ayare amaronge ase obosio bwao.” Erio. Hezekia akarera nobororo.
4 Erio ring’ana ri’Omonene rigacha ase Isaya, rikamoteebia,
5 “Irana oteebie Hezekia ng’a inche Omonene, Nyasae o Daudi sokoro yaye, nigo ngoteeba iga: Naigure ogosaba kwao, narorire amariga ao. Rora, nakomentire emiaka ikomi na etano ase obogima bwao.
6 Ningotoorie aye amo nomochie oyo, korwa ase okoboko kw’omorwoti bw’Abaasuri; ning’egere omochie oyo.
7 “Eke nakio ekemanyererio asore korwa ase Omonene, ng’a naikeranie amang’ana ayio atebiire:
8 Rora, ase ekerengero gie chinsa ki’Ahasi ninkore omorengari oria otambeire ekero erioba riereerire oirane gochia magega ebitambokero ikomi.” Ase ayio erioba rikairania omorengari oye ebitambokero ikomi ase ekerengero keria.
9 Magega Hezekia, omorwoti bw’Abayuda, kagwenire korwa ase oborwaire bwaye, akariika ogoteera oko:
10 Nigo narengereretie ng’a ngochia gokwa inde ase emiaka y’oboke bwane;
11 Ngateeba, “Tinkorora Omonene naende ase ense y’abare moyo,
12 Obomenyo bwane bwatagoirwe na korusigwa ase ’nde buna eema y’omorisia,
13 Nigo nkorera ase obotuko bwonsi ng’a nkonywe;
14 Nigo nkorera buna egesingororo gose ebarara;
15 Inki bono ngokwana?
16 Aye Omonene, ase okoba namang’ana buna ayio, abanto nigo bakoba moyo,
17 Naama! Nigo narenge nobororo obonge,
18 Abare aase abakuure tibagokoiraneria ng’a mbuya mono,
19 Omonto ore moyo nere orakoiranerie ng’a mbuya mono,
20 Omonene nantoorie;
21 Bono Isaya konya oteebire iga: “Tiga baimokie ribomba ri’amako, baribeke ase rigumba ria Hezekia, erinde agwene.”
22 Boigo Hezekia konya oboririe iga: “Nkemanyererio ki gekonyorokia ng’a ningende ase enyomba y’Omonene?”