1 Erio Musa na Abaisraeli bakamoterera Omonene ogoteera oko, bagoteeba:
2 Omonene nere chinguru chiane, nimoterere ere, ere nogotooreka kwane.
3 Omonene nomorwani bwe chiseegi, Omonene nario erieta riaye.
4 Orutire chigari chia Farao amo nomoganda oye ase enyancha ime;
5 Amache abatubire, barimeire chindiba ime buna rigena rikorutwa.
6 Omonene, okoboko kwao gw’okorio nkore nokobua okonene,
7 Ase okobua kwao okonene nigo okobaiyeria inse abagokoimokera;
8 Ase omoika korwa ase chimioro chiao amaache akaimoka,
9 Omobisa agateeba, “Nimbabwatie, mbaikeere,
10 Naboigo ekero aye kwagusete buna omwaga, amaache akabamera;
11 Omonene, ning’o onga buna aye ase egati ye chinyasae?
12 Ekero kwaramborete okoboko kwao gw’okorio, ense ekabamera.
13 Ase chiira chiao chi’obwanchani chiria kwabarierete okaraa abanto aba kwabooretie,
14 Abanto b’ebisaku bakayaigwa, bagatengechigwa ase omoondoko,
15 Abagaambi b’Edomu bakaondoka, abanto abanene ba Moabu bakabwatwa nomotengecho,
16 Omoondoko na obwoba bikababwata;
17 Nobasoyie na kobabeeka ase egetunwa kiao aye omonyene,
18 Omonene nagaambe kare na kare.
19 Ekero chibarasi chia Farao, amo ne chigari na abariini basoete nyancha ime, Omonene akairania amaache igoro yabo, akabatuba; korende Abaisraeli bagaeta egati y’enyancha ase ense enkamoku.
20 Na Miriamu omobani, omoiseke omwabo Aroni, akaimokia ekebangarara kiaye, na abakungu bonsi bakamobwatia bakobugia ebibangarara biabo na goteenga.
21 Miriamu akabaterera ogoteera kogoteeba,
22 Erio Musa agatang’ana Abaisraeli kogenda orogendo korwa ase Enyancha Embariri gochia erooro ya Suri. Bagataara ase engaki y’amatuko atato ase erooro, na tibanyora maache.
23 Erio bagaika aase are korokwa Mara, tibanyara konywa amaache arengeo, ekiagera arenge amaroro mono. Nakio kiagerete aase aria akarokwa Mara.
24 Agwo abanto bakemurunganeria Musa, bakamobooria, “Ninki tokonywa?”
25 Musa akarera ase Omonene, n’Omonene akamworokia ekeng’ese kio omote. Omote oyio Musa akayoruta amaache ime, na amaache aria akaba amaansu.
26 Akabora, “Oise koigwera aya inche Omonene oo ngokwana, na koyakora ayare boronge ase amaiso aane, na gotegerera amaachiko aane, na kobwata emeroberio yane yonsi, rirorio inche tingokobekera amarwaire ande onsi buna aria nabeekerete Abamisiri; naki ninche Omonene oo, oyogokogwenia.”
27 Erio abanto bagaika Elimu; agwo chinsoko nchiarengeo ikomi na ibere, na emekendo emerongo etan’abere (70). Bagatoora agwo ang’e namaache.