1 Kobarentire Esanduki eria ya Nyasae, bakayebeeka ime ase eema eria Daudi ayeteneneretie, bakarua ebing’wanso bi’ogosambwa na ebi’omorembe, ase obosio bwa Nyasae.
2 Na ekero Daudi akoorire korua ekeng’wanso ki’ogosambwa na eki’omorembe agasesenia abanto ase erieta ri’Omonene.
3 Naende akagaba endagera ase omoganda bwonsi bw’Abaisraeli, ase abasacha na abakungu; kera oyomo akaegwa omogati oyomo, na enyama inke, ne ribomba ri’amasasabibu amomo.
4 Naende agachora abanto bande b’Abalawi bakaba abakoreri bosio bw’Esanduki eria y’Omonene, bakaba bagotogia Omonene, Nyasae bw’Abaisraeli, na komoiraneria ng’a mbuya mono na komobaka.
5 Asafu nere orenge omotang’ani obo. Abaare komobwatia nabwo aba: Zakaria na Yeieli, Semiramoti na Yehieli, Matitia na Eliabu, Benaya na Obedi‐Edomu, na Yeieli, baria barenge kobugia amakano, na amakano ’ebirigisa. Asafu agaakania chisani chiarenge kwoga.
6 Benaya na Yahasieli, abakuani, bakaba bakobugia ebitureeri botambe agwo bosio bw’Esanduki ere ne chibao chiriikire Okobwatana kwa Nyasae.
7 Rituko eri nario Daudi achigete ritang’ani ng’a ogoteera gw’okomoiraneri’Omonene ng’a mbuya mono goterwe n’Asafu na abanto bamwabo ase enchera eyio.
8 Moiranerie Omonene ng’a mbuya mono!
9 Terera Omonene,
10 Etogerie erieta riaye richenu,
11 Rigia Omonene amo ne chinguru chiaye,
14 Ere nere Omonene, Nyasae oito,
15 Inyora botambe okobwatana kwaye kw’ogotianania,
16 na okobwatana koria kw’ogotianania akorete na Aburaamu,
17 Eira eyio aenegetie koba ase Yakobo buna ogochika,
18 agateeba, “Aye ninkoe ense ya Kaanani
19 Ase engaki eria nigo barenge abake ase omobaro,
20 Bakaba bagoetanana korwa ase egesaku ekemo gochia ase ekende,
21 Nyasae tatigete abanto bande baabachande;
22 agateeba, “Timobaisa gokuna abaakwa amaguta baane,
23 Inwe abanto b’ense yonsi, moterere Omonene!
24 Raria obonene bwaye ase egati y’ebisaku,
25 Omonene nigo are omonene mono, goika atogigwe,
26 Chinyasae chionsi chi’abaanto b’ebisaku nemegwekano y’ogosasimwa rioka,
27 Ogosikwa na obonene nigo bire ase obosio bwaye,
28 Inwe abe chiamate chi’abaanto, togia Omonene!
29 Mobake Omonene ase obonene bw’erieta riaye;
30 Inwe abanto b’ense yonsi, mobe mokoiguswa ase obosio bwaye,
31 Tiga igoro chibe nomogooko na ense echenge,
32 Tiga enyancha echenge ase okoeera, amo n’ebinto bionsi bire ime yaye,
33 Erio emete ye rinani netere nomogooko ase obosio bw’Omonene,
34 Iraneri’Omonene ng’a mbuya mono, ekiagera ere nomuya;
35 Kwana: Aye Nyasae, ogotooreka gwaito, totoorie,
36 Omonene, Nyasae bw’Abaisraeli, atogigwe,
37 Ase ayio Daudi agatiga Asafu na abanto bamwabo agwo bosio bw’Esanduki eria y’Okobwatana kw’Omonene babe abakoreri asare botambe, buna okogania gwa kera rituko kwarenge.
38 Obedi‐Edomu na abanto bamwabo nigo barenge emerongo etano nomo, na batano na batato (68). Ere Obedi‐Edomu mosinto o Yedutuni, na Hosea, bakabeekwa bakaba abarendi b’egeita.
39 Daudi akabeeka Zadoki Omokuani amo nabakuani bande bamwabo, babe bagokorera Omonene ase Eema yaye agwo aase aimokererete igoro agosasimerwa aaria Gibeoni.
40 Kera emambia na omogoroba botambe babe bakorua ekeng’wanso ki’ogosambwa ase egesasiimero gi’ekeng’wanso ki’ogosambwa, koreng’ana buna arigetwe ase amachiiko ari’Omonene aete Abaisraeli.
41 Amo nabwo barenge Hemani na Yedutuni, na abanto baria bachoretwe na korikwa amarieta abo ase okoiraneri’Omonene ng’a mbuya mono ase engencho y’obwanchani bwaye obwo bogendererete kare na kare.
42 Hemani na Yedutuni nigo bagachete ebitureeri ne chisani chiarenge kwoga ekero chiare goakanigwa, amo n’ebinto binde biare kobugigwa ekero amatera amaachenu agoterwa. Abanto b’eamate ya Yedutuni bagachorwa korenda egeita.
43 Erio abanto bonsi bakarua agwo, kera omonto akagenda nka bwoye, na Daudi akagenda bwoye gosesenia abanto b’enyomba yaye.