1 Senhor, ndee ma ronhemiaty reiko,
2 Yvyty oiko e'ỹ mbove,
3 Ndee ma avakue remombytapa ju 'rã yvy ku'i rive,
4 Ndevy pe mil ma'etỹ oaxa va'e ma kuegua ára guare rami,
5 Ndee ma orembotyryry 'rã yy mba'emo ogueroxyry heravy va'e rami.
6 Mba'eta ha'e nunga ma yvate vyve ipotypa 'rã
7 Ndepoxya ma oremokanhy 'rã,
8 Mba'eta nerenonde reru orereko vaia,
9 Roikoa ára ma ndepoxya rupi meme 'rã oaxa ovy,
10 Setenta ma'etỹ ete'i 'rã roiko.
11 Mava'eve ndoikuaai ndepo'aka etea rupi ndepoxya.
12 Orerekombo'e ke roikoa ára re roikuaa pota aguã re,
13 Senhor, eju ju!
14 Aje'ive'i reve exa uka orerayvua, roporaei aguã.
15 Orembovy'a ju orembojexavaia ára oĩague rami,
16 Ore nerembiguai kuery pe ju tojekuaa mba'emo rejapo va'e,
17 Orere toĩ Senhor Oreruete oremboaxya.