1 Senhor ma Xeruete xereraa jepea.
2 Anhembo'ea tonhendu nerenonde.
3 Mba'eta xenhe'ẽ py aendu opa marãgua nda'eveia,
4 Yvykua katy oguejy ma ovy va'e rami xekuaa,
5 Omanogue mbyte omombo pyre rami aiko,
6 Ndee ae xemombo yvykua pukuvea py,
7 Mba'eta xe'áry ndepoxya ipoyi oiny,
8 Rejapo xerexa va'ety kuery xerejapa aguã rami,
9 Ajexavai ete vy ndaxerexa pyxovei ma.
10 Omanogue pe nda'u rejapo 'rã ri hexa pyrã?
11 Ha'e kuery nda'u ituia py ijayvu 'rã ri ndeporayvua re?
12 Pytũ reia py nda'u ojekuaa 'rã ri hexa pyrã rejapo va'e?
13 Ha'e gui Senhor, xee ma ndevy ae ajapukai xepytyvõ aguã.
14 Senhor, mba'e re tu xereja ri?
15 Xekunumi guive ajexavaia re aiko, amano rai'i ma aikovy.
16 Ndepoxya xere ou,
17 Ha'e nunga ha'e javi xembojere riae yy ou va'e rami,
18 Xerayvu va'e ha'e xeirũ kuery ma xea gui mombyry reipe'apa.