1 Israel kuery re repena va'ety, ejapyxaka ke.
2 Efraim, Benjamim ha'e Manassés regua kuery pe
3 Oreruete, oremoingo porã ju ke.
4 Senhor Oreruete nexondaro reta va'e,
5 Orerexay re ae oremongaru tembi'u 'rãgue py,
6 Rejapo orea katy'i ikuai va'e orere opu'ã aguã rami,
7 Oreruete nexondaro reta va'e, oremoingo porã ju ke.
8 Egito yvy gui reru raka'e peteĩ uva rakãgue'i.
9 Yvy remboa'eveague rupi hapo porã ovy,
10 Ha'e rami vy omokuaray'ãmba yvyty ikuai va'e,
11 Ye'ẽ peve oo oiny hovapy,
12 Ha'e rire teĩ mba'e re tu ha'vy reity uka ikora?
13 Tajaxu omou'ũmba 'rã,
14 Oreruete nexondaro reta va'e, rojerure ndevy:
15 Epy ke ndepo py ae renhotỹ va'ekue,
16 Ojayapaa ma rire oapypaa ma tata py.
17 Tove ndepo toĩ ndeyke re ikuai va'e kuery re,
18 Ha'e rire ore kuery ndorojepe'avei ma 'rã ndea gui.
19 Senhor Oreruete nexondaro reta va'e, oremoingo porã ju.