1 Xeruete, xereraa jepe ke,
2 Xepija ma yapo py,
3 Ajapukai riae ete vy xekane'õ ma,
4 Mba'e py e'ỹ ndaxerayvui va'e kuery ma
5 Xeruete, ndee reikuaa porã xee ae 'arandua rupi e'ỹ aikoague,
6 Senhor, Xeruete nexondaro reta va'e,
7 Mba'eta ndevy aiko ramo xere ijayvua vaikue-ikue.
8 Xeryvy kuery rexaaty rami ve'ỹ ma aiko,
9 Mba'eta ndevygua oo ayvu etea xemomba,
10 Ajae'o akaru e'ỹ re aikoa py.
11 Ajukue voxa guigua py anhemonde ramo
12 Okẽ py oguapy va'e opuka rei okuapy xere.
13 Ha'e rã Senhor, xee ma ndevy anhembo'e ha'eve jave.
14 Xereraa jepe ke ijaxuru va'e py aike e'ỹ aguã.
15 Xereroxyry uka eme yy oxyry atã va'e pe,
16 Senhor, xembovai ke renhomboaxya rupi rejoayvu va'e vy.
17 Xee nerembiguai pe ejexa uka e'ỹ eme,
18 Enhemboja xerekovea re, xerepy,
19 Ndee ma reikuaa ae xembojaru rei okuapya,
20 Axĩmbaa gui xepy'a ovopa, xekangy vy.
21 Ha'u va'erã iro va'e rive ome'ẽa xevy,
22 Ha'e kuery mesa tojeapo nhuã rami ha'e kuery renonde,
23 Ha'e kuery rexa voi tapytũmba ndoexavei aguã,
24 Ha'e kuery pe exa uka ndepoxya,
25 Hekoa topyta tekoa e'ỹa rami,
26 Mba'eta ha'e kuery omoingo axy raxave rire ndee remoingo axy va'e,
27 Ha'e kuery re emoĩve tema teko vai káuxa opaga aguã,
28 Hery emboguepa kuaxia tekove oguereko va'e kuery rery oĩa gui,
29 Ha'e rã xee ma ndavy'ai ete aikovy ajexavai vy.
30 Nhanderuete rery rupi aporaei 'rã,
31 Namigua ma Senhor ojou porãve 'rã
32 Ha'e va'e ojexavai va'e kuery oexa vy ovy'a 'rã okuapy.
33 Mba'eta Nhanderuete ombovai 'rã iporiaukue'i ojapukaia,
34 Ha'e gui yva ha'e yvy regua, toporaei ixupe,
35 Mba'eta Nhanderuete ogueraa jepe 'rã Sião pygua kuery,
36 Ha'e gui hembiguai ramymino kuery ju 'rã ikuai porã ha'e py,