1 Oreruete, oreramoĩ kuery orevy omombe'u rã
2 Ha'e jave py ma ndepo py reipe'apa raka'e yvy regua kuery,
3 Okyxe py e'ỹ ha'e kuery oipe'a yvy,
4 Xeruete, ndee ma xeruvixave.
5 Ndee orepytyvõ ramo orepo'aka 'rã orerovaigua kuery re.
6 Xerapa re e'ỹ ajerovia,
7 Mba'eta ndee anho orerovaigua kuery gui orerepya reiko,
8 Oreruete re ae rovy'a riae,
9 Ha'e rã aỹ ma ndee oremombo ma mombyry,
10 oreapo guive orerovaigua kuery gui ronhamba aguã rami.
11 Vexa'i rami oremboaxa ma orejuka aguã katy.
12 Mba'eve re'ỹ guive remboekovia ndevygua kuery,
13 Ndee oreapo orea katy'i ikuai va'e gui roxĩmba aguã rami.
14 Omombe'u pyrã rami oremoĩ yvy regua kuery mbyte.
15 Axĩmbaa oĩ riae xere,
16 aendu xembojaru rei va'e, ijayvu vaikue-ikue va'e ojapukai ramo,
17 Ha'e nunga ha'e javi orere oiko.
18 orepy'a py ndorojevyi ha'ekue py,
19 Oremou'ũ ukapa jagua-tuvy nhe'ẽ ikuaia py,
20 Oreruete rery gui orerexarai va'e rire,
21 ha'e ramo nda'u Oreruete ndoikuaai 'rãgue teve?
22 Ha'e rami avi ndevygua orekuai ramo ae
23 Emyĩ ke! Senhor, mba'e re tu reke?
24 Mba'e re tu nderejexa ukavei?
25 Mba'eta orerekovea ojexavai yvy ku'i peve,
26 Epu'ã ke orerepy aguã.