1 Ára nhavõ xema'endu'a porã 'rã Senhor re.
2 Xenhe'ẽ py voi aporaei 'rã Senhor pe.
3 Pemboete ke Senhor xereve,
4 Senhor pe ajapukai ramo xere opena karamboae.
5 Pema'ẽ hexe, ha'e ramo penemoexakã 'rã.
6 Xee ajexavai vy ajapukaia Senhor oendu vy
7 Senhor renonde ojererokyjea rupi ikuai va'e yvýry ma
8 Peikuaa pota pexa aguã Senhor porayvua.
9 Senhor rembiporavo pendekuai va'e, pendekuai henonde pejererokyjea rupi,
10 Guary ra'y kue'iry ojexavai ha'e oendu 'rã karuai.
11 Xera'y kuery, peju ke, pejapyxaka xeayvu re.
12 Peẽ kuery tu pendekove reve peikoxe
13 Ha'e rami ri vy pejoko peneapekũ mba'emo vaia rupi pendeayvua gui,
14 Pejepe'a mba'emo vai gui, iporã va'e rupi anho peiko.
15 Heko porã va'e re Senhor oma'ẽ 'rã oiny,
16 Ha'e rã mba'emo vai apoa ma Senhor ndoexaxei,
17 Ha'e rã heko porã va'e ojapukai ramo ma Senhor oendu 'rã,
18 Senhor nonhemombyryi 'rã opy'a py nda'evei va'ea gui,
19 Mbovykue rei e'ỹ 'rã oiko heko porã va'e ojexavai aguã.
20 Opena 'rã ikãgue ha'e javi re,
21 Teko vai ae ojuka 'rã heko vai va'e.
22 Ha'e rã guembiguai kuery rekove ma Senhor oepy 'rã.