1 Senhor xemombaraetea, xee roayvu.
2 Senhor, ndee ma xe'itaova.
3 Senhor ogueroporaeipy va'e pe xee ajapukai vy
4 Nhuã manoa regua xejura va'ekue,
5 Manoa pygua xejokua,
6 Ha'e ramo ajexavaia py ajapukai karamboae Senhor pe.
7 Ha'e ramo yvy omyĩ ha'e oryryi.
8 Inhapyĩgua gui opu'ã hataxĩ,
9 Yva omo'yvyĩ'i vy oguejy,
10 Anjo ipepo va'e áry oĩ vy oveve ouvy,
11 Pytũ gui ojapo onheovã aguã.
12 Hexakã henonde oo va'e gui ma arai ivaipa,
13 Ha'e gui ma Senhor yapu yva re.
14 Ngu'y omombo vy omoaĩmba xerovaigua kuery.
15 Ha'e ramo ojekuaa yy rupa peve,
16 Yvate gui Senhor okuave'ẽ vy xerupity,
17 Xereraa jepe xerovaigua kuery imbaraete va'e gui,
18 Ha'e kuery ma ajexavai jave opu'ãmba rei va'ekue xere,
19 Ha'e rami vy xereru peteĩ henda ipa'ũ ja'eavea py.
20 Xereko porãa rekovia Senhor ome'ẽ iporã va'e,
21 Mba'eta xee ma Senhor guigua tape rupi anho aiko va'e,
22 Xejee amoĩ ijayvuague ha'e javi,
23 Henonde aiko anhetẽ rupi,
24 Ha'e ramo xevy Senhor ome'ẽ xereko porãa repy,
25 Heko porã va'e kuery pe rejekuaa uka 'rã heko porã va'e,
26 iky'a e'ỹ va'e pe rejekuaa uka iky'a e'ỹ va'e,
27 Mba'eta reraa jepe 'rã onhemo'yvyĩ'i va'e,
28 Ndee rejapo xerata endy hexakãve aguã rami.
29 Ndereve vy amomba 'rã xondaro kuery,
30 Nhanderuete guigua tape ma iky'a e'ỹ va'e,
31 Mava'e tu Nhanderuete oiko Senhor e'ỹ vy?
32 Xeruete xemombaraetea oiko,
33 Xepy ojapo 'rã guaxu rami inhakuã aguã.
34 Xepo pe voi ome'ẽ joe apu'ã kuaa aguã.
35 Mba'emo vai jokoarã reme'ẽ xereraa jepea,
36 Apyrõ aguã tape rembopyve ramo
37 Xerovaigua kuery amonha 'rã aupitypa peve.
38 Amou'ũmba opu'ã aguã nda'evevei peve.
39 Mba'eta ndee xemombaraete ajoguero'a kuaa aguã,
40 Xerovaigua kuery rejapo ojavapa aguã rami.
41 Guepyarã pe ha'e kuery ojapukai teĩ ndoepyai.
42 Ha'e ramo amongu'ipa yvy ku'i yvytu rupi ovevepa va'e rami,
43 Heta va'e kuery xere opu'ã teĩ xereraa jepe,
44 Xeayvu oendu vyve xenhe'ẽ rendu okuapy.
45 amboae regua kuery okanhymba,
46 Senhor ma oikove va'e, togueroayvu porãa xe'itaova!
47 Nhanderuete xerepy vy jojukapa,
48 Nhanderuete ae xereraa jepe xerovaigua kuery gui.
49 Ha'e ramo Senhor, roguerovy'a 'rã yvy regua kuery oendua py,
50 Ha'e ae ombopo'aka 'rã huvixaverã omoĩ va'ekue,