1 Peporaei Senhor pe!
2 Senhor omoatyrõ ju Jerusalém tetã,
3 Omonguerapa 'rã opy'a py ikangy va'e,
4 Oipapa jaxy-tata ikuai va'e,
5 Nhande-Senhor ma yvate ete ha'e ipo'akapa va'e.
6 Senhor ma yvyĩgue'i repya oiko,
7 Peporaei Senhor pe perovy'aa rupi.
8 Ha'e ma yva onhovã 'rã arai py.
9 Mymba kuery pe ome'ẽ 'rã ho'u va'erã,
10 Ha'e ma kavaju mbaraetea oguerovy'a va'e'ỹ,
11 Senhor oguerovy'a 'rã henonde ojererokyjea rupi ikuai va'e,
12 Jerusalém pygua kuery, peroporaei ke Senhor!
13 Mba'eta peneretã mbyte rupi omoĩ atãve ikora rokẽ jokoa,
14 Pendeyvy katy rai'i rupi ikuai va'e reve omoĩ pendekuai porã aguã,
15 Yvy rupi ha'e oikuaa uka 'rã ojapo uka va'e,
16 Vexa'i rague rami ombou 'rã yro'y apĩ,
17 Yro'y hatã va'e ha'e omombo 'rã ikurekue rami.
18 Ha'e gui ma oayvu ombou ramo tykupa ju 'rã.
19 Oayvu oikuaa uka Jacó kuery pe,
20 Ha'e ramigua ma amboae regua pe ma ndoejai.