1 Perovy'a ke Senhor porayvu va'e ramo,
2 Perovy'a tuuete ikuai va'e Ruete,
3 Perovy'a senhor ikuai va'e Senhor,
4 Ha'e anho ojapo mba'emo porã tuvixa va'e,
5 O'arandua rupi ojapo raka'e yva,
6 Yvy avi onhono raka'e yy áry rupi,
7 Ojapo raka'e omoexakã va'erã tuvixa va'e,
8 Kuaray ojapo ara py ojope aguã,
9 Jaxy ha'e jaxy-tata ojapo avi pytũ omoexakã va'erã,
10 Egito pygua kuery ra'y jypy guare ojukapa raka'e,
11 Ha'e vy ha'e kuery mbyte gui oipe'a Israel kuery,
12 Opo oupi vy oexa uka opo'akaa,
13 Omboja'o Ye'ẽ Pytã mokoĩ henda rupi,
14 Omboja'oague rupi ojapo Israel kuery oaxa aguã rami,
15 Ha'e gui ye'ẽ py omoinge Faraó, oxondaro kuery ha'e javi reve,
16 Tekoa e'ỹa rupi ogueroguata heravy ojeupegua kuery,
17 Ojuka huvixave kuery ipo'akapa va'ekue,
18 Huvixave omboetevepy ojuka,
19 Ojuka amorreu kuery ruvixa Seom,
20 Ojuka avi Basã pygua kuery huvixa Ogue,
21 Ha'e kuery yvykue omboaxa ojeupegua kuery pe,
22 Guembiguai Israel kuery yvyrã ome'ẽ,
23 Nanhanembaraetevei ramo ima'endu'a nhandere,
24 Ha'e vy nhanderovaigua kuery po gui nhandereraa jepe,
25 Guemimoingo kuery ha'e javi pe ojou uka 'rã ho'u va'erã,
26 Peroporaei ke Nhanderuete yva regua,