1 Aleluia!
2 Senhor rembiapokue ma tuvixa meme.
3 Guembiapo ha'e javi py oexa uka guexakãa ha'e opo'akaa,
4 Hembiapo porã re nhanema'endu'a aguã rami ojapo.
5 Omongaru 'rã henonde ojererokyjea rupi ikuai va'e,
6 Ojeupegua kuery pe oexa uka 'rã opo'akaa mba'emo ojapoa py,
7 Opo py ojapo va'e ma anhetẽ ha'e teko porã rupi meme ojapo,
8 Ha'e nunga oĩ porã 'rã raka'e rã peve,
9 Ojeupegua kuery pe ombou heraa jepearã,
10 Senhor renonde jajererokyjea rupi jaiko vy 'rãe jaupity 'arandua.