1 Xeruete rogueroporaei va'e, ekyrirĩ eme ke!
2 Mba'eta xerovai ijapu va'e kuery ma nhombotavya rupi ijayvu,
3 Ha'e kuery xembojere rei vy xerayvu e'ỹa rupi ijayvu,
4 Xee ayvuague repy ma xevy ivai okuapya oĩ.
5 Ajapo porãague repy ome'ẽ mba'emo vai,
6 Hovai guarã emoĩ peteĩ heko vai va'e.
7 Ha'e gui ma omboayvua py tombopagaa.
8 Hekove topa voi,
9 Ta'y kuery ma tyre'ỹ meme ta'ikuai,
10 Ta'y kuery ma hoo e'ỹ va'e ta'ikuai
11 Mba'emo oguereko va'ekue toipe'apaa oreveague re,
12 Avave rei tomboaxy eme,
13 Ta'ikuai eme hamymino kuery,
14 Senhor ta'ima'endu'a riae tuu kuery ojejavyague re,
15 Ha'e nunga tojekuaa riae Senhor renonde,
16 Mba'eta ojee nomoĩ rire nhomboaxya.
17 Joe ijayvu vaia rupi anho oiko rire hexe ae ju ha'e nungakue tojeapa.
18 Ojee ayvu vai ao puku rami omoĩ rire
19 Hexe toĩ oao onheovãa rami,
20 Ha'e rami ae Senhor tombopaga xerovaigua kuery,
21 Ha'e rã ndee Senhor Xeruete, enhemoĩ xerepyarã nderery remboete ukaa rupi vy.
22 Mba'eta xee ma ajexavai, iporiaukue'i aiko.
23 Xerekove opa ovy kuaray ojero'a ovya rami.
24 Akaru e'ỹ re riae aiko ramo
25 Ha'e kuery pe rã ojou vaipy aiko.
26 Senhor Xeruete, xepytyvõ ke!
27 ha'e kuery oikuaa aguã ndepo gui ae xereraa jepearã oua,
28 Ha'e kuery joe ijayvu vai va'e.
29 Xerovaigua kuery re toĩ oxĩmbaa.
30 Xejuru py arovy'a ete 'rã Senhor.
31 mba'eta iporiaukue'i ikuaia katy onhemoĩ ramo,